Amos 8:13 - MUMA MALER 2015

¹³ Chieng’no nyiri ma jobeyo kod yawuowi bende nopodh piny nikech riyo.

Motingʼo Loko Manyien

¹³ “Chiengʼno “nyiri mabeyo kod yawuowi maroteke nopodh piny ni kech riyo.

Amos 8:13 ပူးပေါင်းရင်းမြစ်များ

Zaburi 63:1

A Nyasaye, in e Nyasacha, kendo agombo mondo aneni. Siso omaka kodi, kendo riyo mar ng’eyi oloya mana kaka piny motwo gombo koth.

Isaya 40:30

Joma tindo nyalo ol, mi nyosre, kata mana yawuowi mopong’ bende nyalo chwanyore, mi podhi.

Isaya 9:17

Mano, emomiyo Ruoth Nyasaye ok nokech yawuotgi, bende ok nobed mamuol gi nyithi kiye kata gi mond liete, nikech giduto gin joricho, kendo gikia Nyasaye, bende ng’ato ka ng’ato kuomgi wacho mana weche mofuwo. Kata kamano, mirimb Ruoth Nyasaye ok norum, kendo pod nosik kokumogi akuma.

Jeremia 48:18

To un joma odak Dibon, weuru duong ma un-go, mondo ubed piny e buru, nikech jaketh Moab osebiro kuomu, kendo oketho kuondeu mochiel motegno.

Ywagruok 1:18

Dala Jerusalem ywagore kama: “Ruoth Nyasaye osetimo gima kare, to an, dala Jerusalem ema asepiem kode, mi aweyo chikene. Ling’uru! Ling’uru un ogendini duto, mondo uneye chandruok ma an go! Nyiga gi yawuota osemak, moter e tuech.

Ywagruok 2:10

Jodonge obet piny, mi oling’ thi. Gisebuko wigi buru, kendo girwakore gi piende gugru. Nyi Jerusalem bende okulo wigi piny.

Ywagruok 2:21

Joma dongo gi joma tindo duto nindo piny e wang’ yore. Nyiga gi yawuota lweny gi kech osenego. Isenegogi ka in gi mirima. Adier, isetiekogi ka ok ikechogi ngang’.

Hosea 2:3

Ka ok kamano to abiro gonye, mi odong duk kaka nonywole! Abiro miyo ochal gi piny motwo ma pi ongee, kendo riyo biro nege.

Hosea 2:5

ema nonywologi e terruok. Dhako mane onywologino onge gi wichkuot, nimar owacho niya, ‘Adwaro chodena, nikech gin ema ne gimiya chiemo gi pi, gi mo kod divai, kod yie rombe, gi pamba michweyo nanga.’

Zekaria 9:17

Mano kaka gin gi mwandu mogundho kod mor maduong’! Cham gi divai biro miyo yawuotgi gi nyigi bed gi del mabeyo.

Rapar mar Chik 32:25

Ligangla noneggi ka gin oko, kendo ka gin ei udi, mi nyithindgi nodong’ kiye, kendo mondgi nodok mond liete. Yawuowi gi nyiri bende notho, kaachiel gi nyithindo mayom, kod jodongo moti.