Amos 8:11 - MUMA MALER 2015

¹¹ Ruoth Nyasaye wacho niya, “Ndalo biro ma anakelie kech e piny, ok kech mar chiemo, kata riyo mar pi, to mana riyo mar winjo wach Ruoth Nyasaye.

Motingʼo Loko Manyien

¹¹ Jehova Nyasaye Manyalo Gik Moko Duto wacho niya, “Ndalo biro ma abiro kelo kech e piny, to ok nobed kech mar chiemo, kata riyo mar pi, to nobed riyo mar winjo wach Jehova Nyasaye.

Amos 8:11 ပူးပေါင်းရင်းမြစ်များ

2 Weche mag Ndalo 15:3

Kuom higni mathoth Israel nobedo maonge gi jodolo ma puonjogi, kendo ma onge gi chik.

Zaburi 74:9

Ok wanyal neno gik maler mane watiyogo e lemo, bende koro waonge jonabi. Waonge gi ng’at mong’eyo ni gima osetimoreni biro siko nyaka karang’o.

Ngeche 29:18

Oganda ma wach Nyasaye ok fwenyrene en oganda molal. Ng’at morito chik Nyasaye to en jahawi.

Isaya 5:6

Kamano, anawe okethre. Bende ok nolwer bede olembene, kata doch ok nodoye, to kudho kod pedo ema nogawree, kendo anakwer boche polo mondo koth kik chak chue kanyo.

Ezekiel 7:26

Masiche mathoth nomaku, kendo weche maricho kende ema unuwinji. Unugomb jonabi mondo onyisu gik mabiro timore, to ok unuyudi. Jodolo bende ok nobed gi gima gipuonjo ji.

Hosea 2:3

Ka ok kamano to abiro gonye, mi odong duk kaka nonywole! Abiro miyo ochal gi piny motwo ma pi ongee, kendo riyo biro nege.

Mika 3:6

Kuom mano ok ginichak giyud fweny moro gotieno, kendo ok ginichak gibed gi teko mar koro wach. Ler ma gineno nolokre mudho, kendo wang’chieng’ biro podhonigi.

Mathayo 9:36

Kane oneno ji kaka ng’eny, nokechogi, nikech ne gichandore, kendo gidiwo mana ka rombe ma onge jakwath.

1 Samuel 28:15

Samuel nopenjo Saulo niya, “Marang’o ichanda, kimiyo awuok oko e liel?” Saulo nodwoke niya,, “Adhier nono, nikech jo-Filistia kedo koda, to Nyasaye oseweya, ma dwok moro ok odwoka, kata gi dho jonabi, kata gi yor lek. Emomiyo aluongi ni mondo inyisa gima onego atim.”

1 Samuel 28:6

To kane okwayo Ruoth Nyasaye wach, Ruoth Nyasaye ne ok odwoke, kata e yor lek, kata e yor Urim kata gi dho jonabi.

1 Samuel 3:1

Nyathi ma Samuel ne tiyo ni Ruoth Nyasaye e nyim Eli. To weche mane wuok kuom Ruoth Nyasaye ne nok ndalogo, kendo ne ok fwenyre pile.