Amos 8:10 - MUMA MALER 2015

¹⁰ Anami sewni mau lokre ywak mar tho, kendo wendeu mag mor nolokre dengo. Anami urwak pien gugru uduto, kendo uliel wiu. Unuchal joma ywago wuodgi ma miderma, kendo chieng’no nobed malit adier.”

Motingʼo Loko Manyien

¹⁰ Sewni mau mag lemo nolokre ywak mar tho, wendeu mag mor, to nolokre dengo. Uduto anami urwakru gi pien gugru ka ulielo wiyeu mapoth. Unuchal kod joma ywago wuodgi ma miderma, kendo odiechiengʼno nobed malit mapok ne kone e piny.”

Amos 8:10 ပူးပေါင်းရင်းမြစ်များ

Chakruok 21:16

mobet piny kowacho niya, “Ok darang nyathina katho.” To kane pod obet kanyo, nyathi nochako ywak.

Ayub 20:23

We ocham achama gik moko duto modwaro! Nyasaye biro kume gi mirima mager.

Ayub 3:5

Odiechiengno mondo otim luoch kendo otim mudho mandiwa, ka boche polo oime, kendo wang’chieng’ oimore.

Ayub 30:31

Kuma ne awinjoe thum mamit, tinde ywak gi pi wang’ ema nitie.

Isaya 3:24

Kuom mano kar winjo tik mang’ue ng’ar, to unuwinj mana tik madum marach. Bende kar bedo gi misip, to tol ema notueugo, kendo kar bedo gi wich molos maber, to bondo ema unubedgo, bende kar rwako nanga maber, to gunia ema unutue e nungou, kendo kar bedo gi chia maber to mbelni mag mach ema nobed e dendu.

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Jeremia 48:37

Ng’ato ka ng’ato osepwodho wiye, kendo olielo tike. Giduto gisaro luetegi, kendo girwako piende gugru.

Jeremia 6:26

To an Ruoth Nyasaye awachonu niya, “Un joga, rwakreuru gi piende gugru, kendo bukreuru gi buru. Ywaguru malit ka ng’ama ywago wuode ma miderma, nimar ng’at ma biro tiekou biro poyou.”

Ywagruok 5:15

Mor oserumo e chunywa, kendo miendwa olokore ywak.

Ezekiel 7:18

Ginirwak piende gugru, kendo kibaji nogogi marach. Wigi noliel, mi giduto giyud wichkuot.

Ezekiel 7:2

“Wuod dhano, ma e gima an Ruoth Nyasaye awacho ni piny Israel: Giko mar pinyu ochopo!

Hosea 2:11

Anatiek mor duto moneno, kod chokruokne duto mag lemo, kaka sewni motimo higa ka higa, gi sewni motimo due ka due, kod nyasi motimo juma ka juma.

Hosea 2:13

Anakume kuom kinde mane oweyae, mowang’o ubani ni Baal, kendo orwako gik mabeyo mondo olombgo chodene. An Ruoth Nyasaye ema awacho kamano.

Joel 1:8

Ywaguru mana ka nyako maywago ng’at ma nyocha dwaro kende.

Tim jo-Lawi 13:40

Ka yie wi ng’atno oluny, modoko rabondo gi e dier wiye to mano ok mi odok mogak.

Amos 5:21

“Amon gi sewni mutimona, kendo ajarogi, bende ok ahero nyasi mau mag lemo.

Amos 5:23

Weuru baro wiya gi wendeu mag pak, nikech ok adwar winjo thumbe mugoyona.

Amos 8:3

Chieng’no wende ma iwero e od ruoth nolokre mag ywak, kendo ringre jomotho nopie kuonde duto, to piny noling’ thi.”

Nahum 1:10

Giduto giniwang’ pep mana ka kudho mochoki, kata ka tiang’ motwo.

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Rapar mar Chik 16:14

Unutim sawono gi mor, kaachiel gi yawuotu gi nyiu kod wasumbu machwo gi mamon gi jo-Lawi kod jopinje mamoko gi nyithi kiye kod mond liete modak kodu.