Amos 8:1 - MUMA MALER 2015

¹ Ruoth Nyasaye nokelona fweny machielo, mi anenoe atonga moting’o olemo.

Motingʼo Loko Manyien

¹ Fweny mane Jehova Nyasaye Manyalo Gik Moko Duto okelona ema: Ne aneno atonga mopongʼ gi olemo mochiek.

Amos 8:1 ပူးပေါင်းရင်းမြစ်များ

Jeremia 24:1

Ruoth Nyasaye ne onyisa atonge ariyo moting’o ng’owo, koket e nyim Hekalu, mano notimore kane Nebukadnezar ruodh Babulon osetero Jekonia wuod Jehoyakim ma ruodh Juda e tuech Babulon, kaachiel gi jotend Juda gi jotheth kod joma olony e tich lwedo.

Amos 7:1

Ruoth Nyasaye nokona e fweny, mi anenoe rumbi mar bonyo monywol e ndalo ma cham chiegni chiekie.

Amos 7:17

To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”

Amos 7:4

Ruoth Nyasaye nochako okelona fweny machielo, mi aneno ka ooro mach mondo owang’ nam maduong’ manie bwo piny, kendo mondo otiek gik moko duto manie piny.

Amos 7:7

Ruoth Nyasaye nokelona fweny moro machielo mi anenoe ng’ato mochung’ e kor ot, koting’o tol mar rapim mipimogo kor ot mondo one ane koriere tir.

Amos 8:2

Ruoth Nyasaye nopenja niya, “Amos, ineno ang’o?” Ne adwoke ni, “Aneno atonga moting’o olemo mochiek.” Eka ne Ruoth Nyasaye owachona niya, “Joga Israel bende ochiek ni yudo kum, kendo ok nachak awegi mak akumogi.