Amos 7:9 - MUMA MALER 2015

⁹ Kuonde ma joka Isaka lemoe ibiro kethi, kendo kuonde maler duto mag Israel biro kethore, bende abiro biro mondo aked gi dhood Jeroboam.”

Motingʼo Loko Manyien

⁹ “Kuonde lemo duto mag joka Isaka ibiro kethi kendo kuonde maler duto mag Israel ibiro kethi; kendo anabi gi ligangla mondo aked gi dhood Jeroboam.”

Amos 7:9 ပူးပေါင်းရင်းမြစ်များ

Chakruok 46:1

Israel nokawo gige duto, mochako wuoth, ka ne ochopo Beer-sheba, notimo misango ni Nyasach Isaka wuon mare kuno.

2 Ruodhi 14:24

Timbene ne richo e nyim Ruoth Nyasaye, mana kaka timbe duto mane Jeroboam wuod Nebat omiyogo jo-Israel obedo joricho.

Isaya 63:18

Ere gima omiyo joricho osedonjo e Hekalu mari? Koso ang’o momiyo wasikwa osenyono kama ilamie?

Jeremia 51:51

Uwacho niya, ‘Ji oseyanyowa, omiyo wiwa okuot, nikech jopinje mamoko osedonjo kuonde maler mag Hekalu.’

Ezekiel 6:3

‘Un gode mag Israel, chikuru itu, uwinj weche ma an Ruoth Nyasaye ema awachonu. Anyisou, un gode madongo gi matindo kod hohni gi holni ni akelo lweny kuomu, mabiro ketho kuonde ma ji lamoe nyiseche manono.

Hosea 10:8

Kuonde moting’ore ma jo-Israel timoe richo ka gilamo nyisechegi manono ibiro ketho. Kuthe gi buya ema biro twi ewi kendegi mag misango. Ji nowach ni gode niya, “Umwauru!” Kendo giniwach ni pidhe ni, “Ruombreuru kuomwa!”

Amos 3:14

Chieng’ ma nakum jo-Israel kuom richogi, to naketh kende mag liswa man Bethel bende. Tunge mag kendogo nong’ad oko, mi ginipodh piny.

Amos 5:5

“Kudwaro bedo mangima, to duoguru ira. To kik udhi Bethel, kata kik udhi Gilgal, bende kik ukadh nyaka Beer-sheba, nimar jo-Gilgal ibiro daro mi ter e tuech, kendo Bethel biro lal nono.”

Amos 7:11

Owacho niya, ‘Jeroboam biro tho e lweny, kendo jo-Israel ibiro daro e pinygi, mi tere e tuech.’ ”

Amos 7:13

To kik ichak ikor wach Bethel ka, nikech ma en Hekalu mar pinywa, kama ruoth lemoe.”

Amos 8:14

Ji duto makuong’ore gi nying Ashima, ma Nyasaye madhako mar Samaria, kata makuong’ore gi nyasach Dan, kendo gi nyasach Beer-sheba, nopodh chuth, kendo ok nochak oa malo.”

Amos 9:1

Ne aneno Ruoth Nyasaye kochung’ e bath kendo mar misango, kowacho niya, “Tuom sirni mag hekalu, mondo agola duto oyiengni. Mukgi mondo gilwar ewi ji, to ji duto modong’ anami otho e lweny. Onge ng’at ma noringi, kata ma notony.

Mika 1:5

Mago duto biro timore nikech jo-Israel oseketho, mi oweyo Nyasaye. Ere joma omiyo jo-Israel oweyo Nyasaye kamano? Gin mana jo-Samaria! Koso ere joma timo richo mar lamo nyiseche manono e piny Juda? Donge gin mana jo-Jerusalem?