Amos 7:4 - MUMA MALER 2015

⁴ Ruoth Nyasaye nochako okelona fweny machielo, mi aneno ka ooro mach mondo owang’ nam maduong’ manie bwo piny, kendo mondo otiek gik moko duto manie piny.

Motingʼo Loko Manyien

⁴ Fweny machielo mane Jehova Nyasaye Manyalo Gik Moko Duto okelona ema: Ne aneno kooro mach maduongʼ mondo owangʼ nam manie bwo piny, kendo otiek gik moko duto manie piny.

Amos 7:4 ပူးပေါင်းရင်းမြစ်များ

Isaya 27:4

to ok onyagna olemo ma anyalo losogo divai. Omiyo ochalo mana gi puodho ma kudho gi pedo ema opong’o. Kuom mano, abiro monje, mi awang’e pep,

Jeremia 21:12

Timuru gik makare pile. Konyuru ng’at ma ithiro e lwet joma thire, ka ok kamano, to timbeu maricho biro wang’o iya, ka mach ma ok nyal negi.

Jeremia 4:4

Un jo-Juda gi jo-Jerusalem, rituru singruokna, kendo timuru gik madwaro, nono to gik maricho musetimo biro miyo mirimba liel ka mach ma onge ng’ama nyalo nego.’

Ezekiel 21:3

kinyiso jopinyno ni Ruoth Nyasaye owacho kama: Amon kodu, omiyo abiro wuodho liganglana mondo anegugo duto, mi joma kare gi joma timbegi mono notho machalre.

Joel 1:19

Aywakni, A Ruoth Nyasaye, nikech legewa gi yiendwa otwo pep, mana ka gima mach owang’o.

Joel 2:30

Anatim honni e polo kendo e piny, mondo obed ranyisi. Remo gi mach kod iro madhuolore nobedie,

Tim jo-Lawi 10:2

Mi mach nomwoch e nyim Ruoth Nyasaye, motiekogi pep. Kamano ne githo kanyo e nyim Ruoth Nyasaye.

Amos 1:4

Kuom mano abiro oro mach e dhood Hazael piny Aram, kendo majno biro wang’o miech ruodh Ben-hadad mochiel motegno.

Amos 1:7

Kuom mano abiro oro mach e ohinga mar Gaza mondo owang’ kuonde mochiel motegno mag dalano,

Amos 2:5

Kuom mano abiro oro mach e piny Juda mondo owang’ kuonde mochiel motegno mag Jerusalem.”

Amos 4:11

“Ne atieko jomoko kuomu kaka ne atieko Sodom gi Gomora, kendo ne uchalo gi luth moyudh e mach. Kata kamano ne ok uduogo ira.

Amos 5:6

Ka udwaro bet mangima, to dwaruru Ruoth Nyasaye, nono to obiro muoch kuom joka Josef ka mach. En mach mabiro wang’o jo-Israel maonge ng’ama nego.

Amos 7:1

Ruoth Nyasaye nokona e fweny, mi anenoe rumbi mar bonyo monywol e ndalo ma cham chiegni chiekie.

Amos 7:7

Ruoth Nyasaye nokelona fweny moro machielo mi anenoe ng’ato mochung’ e kor ot, koting’o tol mar rapim mipimogo kor ot mondo one ane koriere tir.

Mika 1:4

Gode biro leny e bwoye mana ka odok moket e mach. Giniruombre e holni mana ka pi mabubni e abururu.

Nahum 1:6

En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Kwan 16:35

Ruoth Nyasaye nooro mach mowang’o ji mia ariyo gi piero abich mane oyudo wang’o ubani kande.

Rapar mar Chik 32:22

Mirimba osemoko mach! Mawang’o piny kaachiel gi gik manyakie, kendo owang’o mise mag gode, bende ochopo kata kar joma otho e liel piny.

Jo-Hibrania 1:7

Ka owuoyo kuom malaika to owacho niya, “Nyasaye loko malaikane yamo. Oloko jotichne ligek mach.”

Fweny 4:1

Bang’ mano, ne arango polo, mi aneno dhoot moro moyawore e polo, kendo dwol machalo gi dwond tung’ mane akwongo winjo kawuoyo koda cha, nowachona niya, “Bi malo ku, mondo anyisi gik mabiro timore bang’ magi.”