Amos 7:17 - MUMA MALER 2015

¹⁷ To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”

Motingʼo Loko Manyien

¹⁷ “ ‘Kuom mano, koro winji gima Jehova Nyasaye wacho: “ ‘Kochakore sani to chiegi biro bedo jachode e dala mar Samaria, kendo yawuoti kod nyigi, to koro ibiro negi gi ligangla. Lopi ibiro kawo kendo pogi, in iwuon, to initho e piny moro nono mabor gi ka, kendo jo-Israel nodar, mi tergi e twech!’ ”

Amos 7:17 ပူးပေါင်းရင်းမြစ်များ

2 Ruodhi 17:6

mokawe e higa mar ochiko mar loch Hoshea. Nomako jo-Israel, motero Asuria, kendo noketo moko mondo odag Hela but aora Habor man Gazon, to moko noketo e miech jo-Media.

Zaburi 78:55

Noriembo joma ne odak e pinyno, mondo oyaw ni joge thuolo, eka ne opoge ni dhout Israel, mi omiyo gidak e miechgi.

Isaya 13:16

Nyithindgi bende nochwad piny e wang’gi ka gineno. Utegi noyaki, kendo mondgi bende nomak gi thwon.

Isaya 22:18

Eka enong’wasi motueyi matek, kendo oboli e piny malach, mana ka mpira mowit e pap, kendo gecheni mag lweny mayande isungorigo nosik mana kuno.’ ”

Jeremia 14:16

Joma ne giwachonigi gigo bende lweny gi kech biro nego. Ringregi kaachiel gi mag mondgi kod nyithindgi nowiti e yore mag Jerusalem, ma onge ng’ama noyiki, nikech abiro kumogi kuom timbegi maricho.

Jeremia 20:6

To in Pashur, nomaki kaachiel gi joodi, mi teri Babulon kuma inithoe kendo yikie but osiepeni ma isebedo ka ihulonigi weche mag miriambo!”

Jeremia 28:12

To bang’ kinde moko, kane Hanania oseturo jok mane nie ng’ut Jeremia, Ruoth Nyasaye nowacho ni Jeremia

Jeremia 28:16

Omiyo Ruoth Nyasaye owuon wacho ni obiro tieki e wang’ pinyni, nimar ibiro tho ka pok higani orumo, nikech isejiwo ji mondo otamre mako chikne.”

Jeremia 29:21

“An Ruoth Nyasaye Manyalo Gik Moko Duto kendo ma Nyasach Israel, kuom Ahab wuod Koloya, gi Zedekia wuod Maaseya, ma wachonu miriambo e nyinga asewuoyoe niya, ‘Abiro ketogi e lwet Nebukadnezar ruodh Babulon, mi obiro negogi mana kuneno.

Jeremia 29:25

“Ne indiko barua e nyingi iwuon, mioro ni jo-Jerusalem duto, kendo ni Zefania ma wuod Maaseya jadolo kendo ni jodolo mamoko duto. Niwacho ni Zefania ei baruano niya,

Ywagruok 5:11

Mon gi nyiri ne omak gi thwon e Sayun kendo e miech Juda.

Ezekiel 4:13

Eka Ruoth Nyasaye nowacho niya, “Ka asekeyo jo-Israel e pinje mamoko, to mano e kaka ginicham chiemo ma chik okwero.”

Hosea 9:3

Jo-Israel ok nodong’ e piny Ruoth Nyasaye, to ginidog Misri, kata ginidhi Asuria kuma ginichamie chiemo mamiyo gibedo mogak.

Amos 6:7

Kuom mano, ubiro bedo joma ikwongo daro, kitero e tuech. Mano biro bedo giko mar mor mudhialorugono.”

Amos 7:11

Owacho niya, ‘Jeroboam biro tho e lweny, kendo jo-Israel ibiro daro e pinygi, mi tere e tuech.’ ”

Amos 8:1

Ruoth Nyasaye nokelona fweny machielo, mi anenoe atonga moting’o olemo.

Amos 9:1

Ne aneno Ruoth Nyasaye kochung’ e bath kendo mar misango, kowacho niya, “Tuom sirni mag hekalu, mondo agola duto oyiengni. Mukgi mondo gilwar ewi ji, to ji duto modong’ anami otho e lweny. Onge ng’at ma noringi, kata ma notony.

Amos 9:8

Arango piny jo-Israel motimo richoni, kendo abiro tieke e wang’ piny. Kata kamano ok anatiek joka Jakobo duto te.

Mika 1:16

Un jo-Juda, pwodhuru wiu obed ranyisi ni uywago nyithindo muhero. Ee, lokreuru rabonde ka achudhe, nikech nyithindugo ibiro mau.

Zekaria 14:2

Enochok ogendini duto mondo oked gi Jerusalem, kendo dalano nokaw, mi mwandu manie udi noyaki, bende mon nomak gi thwon. Bath dala konchiel noter e tuech, to bathe komachielo nowe mana kanyo.