Amos 7:14 - MUMA MALER 2015

¹⁴ To Amos nodwoko Amazia niya, “An ok an janabi, to bende mano ok tija. An mana jakwath, kendo jarit yiend ng’owo.

Motingʼo Loko Manyien

¹⁴ Eka Amos nodwoko Amazia niya, “An ok an janabi, to bende ok an kata nyathi janabi. Anto an mana jakwath kendo jarit ngʼowu.

Amos 7:14 ပူးပေါင်းရင်းမြစ်များ

1 Ruodhi 19:19

Elija nowuok kanyo, modhi oyudo Elisha wuod Shafat ka puro. Ji ne puro gi dhok piero ariyo gang’wen; dhok ariyo ne ywayo kwer achiel, to Elisha ema ne puro gi dhok ariyo mogik. Elija nochopo bute, mobolo kuome lawe mar abola.

1 Ruodhi 20:35

Wach Ruoth Nyasaye nobiro ni ng’at achiel kuom oganda jonabi, mowacho ni wadgi ni, “Yie igoya!” To jalo nodagi goye.

2 Ruodhi 2:15

Kane oganda jonabi modak Jeriko onene gi kuma bor, ne giwacho niya, “Teko mane Elija nigo, koro odok ni Elisha.” Ne gidhi romone, mi gikulorene,

2 Ruodhi 2:3

To oganda jonabi ma nodak Bethel nowuok modhi ir Elisha, mopenje niya, “Bende ing’eyo ni Ruoth Nyasaye biro kawo jaduong’ni kawuono?” Nodwokogi niya, “Ee, ang’eyo kamano, to ling’uru.”

2 Ruodhi 2:5

Oganda jonabi mane odak Jeriko nosudo machiegni gi Elisha, mopenje niya, “Bende ing’eyo ni Ruoth Nyasaye biro kawo jaduong’ni kawuono?” Nodwokogi niya, “Ee, ang’eyo kamano, to ling’uru.”

2 Ruodhi 2:7

Ji piero abich kuom oganda jonabi bende nodhi, mochung’ kama ochwalore kodgi, ka ji ariyogo chung’ e dho aora.

2 Ruodhi 4:38

Elisha nodok Gilgal. Chieng’ moro kane kech nie piny, Elisha ne ni kod oganda jonabi, kapuonjogi. Nowacho ni jatichne niya, “Ket agulu maduong’ e kendo, ited chiemo ni jonabigi.”

2 Ruodhi 6:1

Oganda mar jonabi nowacho ni Elisha niya, “Kama wadakie kodini tin, wahewo.

2 Weche mag Ndalo 16:7

E ndalogo, Hanani janen nobiro ir Asa ruodh Juda mowachone niya, “Jolweny mag ruodh Aram biro tony e lweti, nikech nigeno kuom jo-Aram, to ne ok igeno kuom Ruoth Nyasaye ma Nyasachi.

2 Weche mag Ndalo 19:2

To Jehu wuod Hanani ma janen nodhi romone mopenje niya, “Bende itimo maber kikonyo joricho kendo ihero joma ok ohero Ruoth Nyasaye? Mirima osemako Ruoth Nyasaye kodi nikech wachni.

2 Weche mag Ndalo 20:34

Chakruok weche Jehoshafat nyaka gikogi yudore e kitap Jehu wuod Hanani, ma koro ondik e Kitap Ruodhi mag Israel.

Ayub 30:4

Ne ging’wedo buya mae thim, to gichamo. Tiende yien maonge ndhadhu bende ne chiembgi.

Amos 1:1

Magi e weche Amos, mane achiel kuom jokwath ma nodak Tekoa. Nyasaye nofwenyone wechegi higni ariyo ka pok yiengni piny obetie, ka Uzia e ruodh Juda, to Jeroboam wuod Joash e ruodh Israel.

Amos 3:8

“Ere ng’ama ok diluor ka sibuor ruto? Koso ere janabi ma diling’ mak ohulo gima Ruoth Nyasaye owachone?”

Zekaria 13:5

to moro ka moro nowach niya, ‘Ok an jakor wach, to an mana japur, kendo asebedo kayudo chiemba e lowo chakre tinna.’

1 Jo-Korintho 1:27

To Nyasaye noyiero gik ma piny kwano ka gik mofuwo mana kong’eyo, mondo okuodgo wi joma riek, kendo noyiero gik ma piny neno ni nyap mondo okuodgo wi joma rateke.

1 Samuel 10:11

Kane ji duto mong’eye oneno kaka odhumore kod jonabi ne gipenjore niya, “En ang’o mosetimore ni wuod Kishni? Kara Saulo bende en achiel kuom jonabi?”