Amos 7:12 - MUMA MALER 2015

¹² Amos owuon, to ne Amazia okwero niya, “Dhi kucha, jakorni! Dhiyo e piny Juda mondo ikor wach kuno iyudgo chiembi.

Motingʼo Loko Manyien

¹² Eka Amazia nowachone Amos niya, “Dhi kucha, jakoroni! Dhiyo e piny jo-Juda mondo ikor weche kuno eka iyudgo kaka dichiem.

Amos 7:12 ပူးပေါင်းရင်းမြစ်များ

2 Weche mag Ndalo 16:10

Wachno nomiyo Asa okecho gi janen, mi otueye gi nyororo e od tuech. To bende Asa nochako sando jomoko e ndalogo.

Isaya 30:10

Giwacho ni jokor wach niya, ‘Kik une fweny.’ Jonabi to giwachonigi ni, ‘Kik ukor wach moro mar adiera, to kornwauru mana weche mamit mag wuondruok.

Isaya 56:11

Adier, gichalo guogi mowuor ma ok yieng’! Gin jokwath ma ok ong’eyo gimoro. Moro ka moro dhi e yore owuon, kadwaro ohande kamoro amora monyalo yudee.

Ezekiel 13:19

Useketho nyinga kuom joga mana ni mondo uyud cham moko sanja, kod makati matin. Unego joma ok owinjore negi. Mano e kaka uwuondo joga moyie gi wecheu mag miriambogo.

Amos 2:12

To ne umiyo jo-Nazir omadho divai, bende nuchiko jonabi ni kik hul wachna.

Amos 7:11

Owacho niya, ‘Jeroboam biro tho e lweny, kendo jo-Israel ibiro daro e pinygi, mi tere e tuech.’ ”

Malaki 1:10

Ruoth Nyasaye Manyalo Gik Moko Duto owacho niya, “Da obedo maber ka ng’at achiel kuomu oloro dhorangeye mag laru mar Hekalu, mondo kik umok mach e kendona mar misango kayiem nono. Ok amor kodu, kendo ok nayie misengni muchiwona.

Mathayo 8:34

Kuom mano jogweng’no duto nowuok mondo one Yesu, to kane ginene, ne gikwaye mondo oa e gweng’gi.

Luka 13:31

E sanogo, jo-Farisai moko nobiro ir Yesu, mowachone ni, “Ber mondo ia ka, nikech Herode dwaro negi.”

Tich Joote 16:39

Omiyo ne gidhi mi giywagorenigi, eka ne gigologi oko, kendo ne gisayogi mondo gia e dalagi.

Jo-Rumi 16:18

nikech ok gin jotich Ruodhwa Yesu Kristo, to gitiyo mana ni gombogi giwegi. Giwuondo joma kia gi weche mamit kendo malombo ji.

1 Jo-Korintho 2:14

To ng’at maonge gi Roho ok nyal yie weche ma Roho mar Nyasaye nyise. Adier, ok onyal winjo tiendgi maber, nikech ginenore ka gik mofuwo, nimar inyalo nonogi mana gi teko mar Roho.

1 Petro 5:2

Beduru jokwadh kueth ma Nyasaye osemiyou, kendo ritgiuru gi chuny mamor kaka Nyasaye dwaro, to ok kuom achune. Kik utim kamano mondo uyudie ohala, to timeuru mana nikech uhero.

1 Samuel 2:36

Jo-dhoodi duto ma nodong’ ka ngima nobi ire, kakwaye fedha matin, kata kuon matin. Giniwach niya, “Asayi, keta e tich kama jadolo moro tiyoe, mondo ayudie gima dacham.” ’ ”

1 Samuel 9:9

(E ndalo ma chon e Israel kane ng’ato dhi penjo wach kuom Nyasaye, to nowacho ni, “Wadhiuru ir janen” nikech ng’at ma ndalogi luongo ni janabi, ne iluongo chon ni, janen.)