Amos 7:1 - MUMA MALER 2015

¹ Ruoth Nyasaye nokona e fweny, mi anenoe rumbi mar bonyo monywol e ndalo ma cham chiegni chiekie.

Motingʼo Loko Manyien

¹ Fweny mane Jehova Nyasaye Manyalo Gik Moko Duto okelona ema: Ne aneno rumbi mar det bonyo monywol e chakruok mar opon ka cham mar ruoth osekaa.

Amos 7:1 ပူးပေါင်းရင်းမြစ်များ

Isaya 33:4

Mwandugi noyaki, mi tieki, mana kaka bonyo nang’o lum, mi tieki. Adier, ji nopot kuomgi mana ka det bonyo.

Jeremia 24:1

Ruoth Nyasaye ne onyisa atonge ariyo moting’o ng’owo, koket e nyim Hekalu, mano notimore kane Nebukadnezar ruodh Babulon osetero Jekonia wuod Jehoyakim ma ruodh Juda e tuech Babulon, kaachiel gi jotend Juda gi jotheth kod joma olony e tich lwedo.

Ezekiel 11:25

Ne anyiso joma noter e tuech gik moko duto mane Ruoth Nyasaye osenyisa.

Joel 1:4

Bonyo madongo nochamo oboke, bang’e rumbi mar bonyo ma pod tindo nochamo oboke mane odong’.

Joel 2:25

An ema naoronu bonyogo kaka ogandana mar lweny, to abiro dwokonu gik mane olalnu e higni mane gichamoe puotheu.

Amos 4:9

“Naoro dera morocho chambu ewi dongo. Bonyo nochamo chambu gi yiendu mag mzabibu gi ng’owo kod zeituni. Kata kamano ne ok uduogo ira.

Amos 7:4

Ruoth Nyasaye nochako okelona fweny machielo, mi aneno ka ooro mach mondo owang’ nam maduong’ manie bwo piny, kendo mondo otiek gik moko duto manie piny.

Amos 7:7

Ruoth Nyasaye nokelona fweny moro machielo mi anenoe ng’ato mochung’ e kor ot, koting’o tol mar rapim mipimogo kor ot mondo one ane koriere tir.

Amos 8:1

Ruoth Nyasaye nokelona fweny machielo, mi anenoe atonga moting’o olemo.

Zekaria 1:20

Bang’e Ruoth Nyasaye nonyisa jotheth ang’wen,

Malaki 3:11

Ok nawe kute keth chambu, kendo yiendu mag mzabibu nonyag olembe mang’eny.