Amos 6:8 - MUMA MALER 2015

⁸ Ruoth Nyasaye Manyalo Gik Moko Duto osesingore owuon niya, “Asin gi sunga mar joka Jakobo, kendo asin gi utgi madongo dongo. Abiro chiwo Samaria ma dalagi, kod gik moko duto man e iye e lwet wasigu.

Motingʼo Loko Manyien

⁸ Jehova Nyasaye Manyalo Gik Moko Duto, ma en Jehova Nyasaye Maratego, osekwongʼore kosingore owuon niya, “Asin gi sunga mar joka Jakobo, kendo asin nyaka gi ohinga mag-gi moger motegno; omiyo abiro chiwo dalagi kod gik moko manie iye e lwet wasigu.”

Amos 6:8 ပူးပေါင်းရင်းမြစ်များ

Chakruok 22:16

“Ruoth Nyasaye owacho kama:

Zaburi 106:40

Kuom mano, Ruoth Nyasaye nokecho kodgi. Chutho nojok kodgi, kata obedo ni gin joge mane oyiero kamano.

Zaburi 47:4

Ne oyieronwa piny ma wadakieni. En piny maber mar Jakobo, mane Nyasaye ohero.

Zaburi 50:12

Ka da bed ni kech kaya, to ok dawachnu, nikech piny gi gik moko duto manie iye gin maga.

Zaburi 78:59

Kane Nyasaye oneno kamano, nokecho, mi odagi jo-Israel chuth.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Isaya 28:1

Yaye, inine malit, in dala Samaria manie holo momew, ma jomer mag Israel sungorego ka osimbgi. Duong’ni biro rumo mana ka maua moner, in dala ma joge lwokore gi kong’o!

Jeremia 12:8

Joga awuon oselokore wasika. Giserutona ka sibuor manie bungu, mi koro amon kodgi.

Jeremia 22:14

En gima lit manadi kuom ng’at mawacho ni obiro gero ot marang’ongo man gi udi madongo malo. Bang’e oketne dirise mi ochwade gi yiend sida, kendo owire gi range maber.

Jeremia 22:5

To ka ok urito wechego, to akuong’oranu ni od ruodhuni biro lokore gunda. An Ruoth Nyasaye ema awacho kamano.

Jeremia 44:26

To koro winjuru singruok ma an Ruoth Nyasaye asetimo e nyinga maduong’ ni jo-Juda duto modak Misri: Ok nachak ayie mondo ng’ato ang’ata kuomu oluong nyinga ka wacho niya, “Akuong’ora e nying Ruoth Nyasaye mangima.”

Jeremia 49:13

An awuon asekuong’ora ni dala mar Bozra nobed gima bwogo ji, kendo nolokre thim ma ji nyiero, kendo noluong nyinge ka gima okuong’. Mier matindo mokiewo kode nobed kokethore nyaka chieng’! An Ruoth Nyasaye ema awacho kamano.”

Jeremia 51:14

Ruoth Nyasaye Manyalo Gik Moko Duto osekuong’ore gi nyinge owuon ni obiro kelo ji mang’eny ka bonyo mondo omonj Babulon, kendo ka giseloye to ginikog gi mor.

Ywagruok 2:5

Adier, Ruoth Nyasaye oselokore jasigu, mi otieko Israel. Osemuko udi madongo duto, kendo mier mochiel motegno oduoko piny, bende osekelo ni Jerusalem kuyo kod ywagruok.

Ezekiel 24:21

mowachona ni mondo anyisu, un jo-Israel, ni owacho kama: Usungoru ni Hekalu otegno. Kunene, to umor kendo uhero donjoe. To koro an Ruoth Nyasaye abiro loke gima kuero, kendo yawuotu gi nyiu modong’ Jerusalem none e lweny.

Hosea 11:6

Lweny biro yweyo miechgi mi tur lodi mag dhorangeyegi. Obiro tieko joga, nikech ne giluwo riekogi giwegi.

Tim jo-Lawi 26:11

Analos kar dakna kuomu, kendo ok najuang’u.

Tim jo-Lawi 26:30

Anaketh kuonde hembko mau, kendo anamuk kendeu mag ubani. Anadhur ringreu motop kuom kido motop mag nyisecheu manono, kendo najwang’u.

Amos 3:10

Ruoth Nyasaye owacho kama: “Jogo ok ong’eyo kaka digibed joma obidhore. Gipong’o utgi madongo gi gik moyaki.

Amos 3:11

Kuom mano wasigu nolwor pinygi, kendo noketh kuondegi mochiel motegno kod utgi madongodongo.”

Amos 4:2

To kaka Ruoth Nyasaye en Ng’ama Ler, osesingore ni ndalo biro ma wasiku noywaue gi olowu, kendo ng’ato ka ng’ato kuomu nochal mana gi rech ma olowu omako.

Amos 5:21

“Amon gi sewni mutimona, kendo ajarogi, bende ok ahero nyasi mau mag lemo.

Amos 8:3

Chieng’no wende ma iwero e od ruoth nolokre mag ywak, kendo ringre jomotho nopie kuonde duto, to piny noling’ thi.”

Amos 8:7

Jo-Ruoth Nyasaye ma Nyasach joka Jakobo osekuong’ore ni wiye ok nowil gi timbegi maricho.

Zekaria 11:8

Kane pok due achiel orumo, ne ariembo jokwath adek nikech ne gijoga, kendo gin bende chunygi nosin koda.

Rapar mar Chik 32:19

Ruoth Nyasaye noneno gik mane yawuote gi nyige timo, mi nojwang’ogi nikech ne giwang’o iye.