Amos 6:5 - MUMA MALER 2015

⁵ Un muchuogo wende manono, kugoyo thum kendo uloso thumbe kaka ne Daudi loso,

Motingʼo Loko Manyien

⁵ Un joma goyo thum kaka Daudi nogoyo kendo uchuogo wende mag nyatiti.

Amos 6:5 ပူးပေါင်းရင်းမြစ်များ

Chakruok 31:27

Ere gimomiyo nia ling’ling’ ka akia? Dine inyisa ni idwaro dhi, dine akowi gi mor, kiwerni kendo igoyoni thum.

1 Weche mag Ndalo 15:16

Daudi nochiko jotend jo-Lawi bende mondo oyier owetegi ma jower molony kendo mong’eyo goyo thumbe mopogore opogore mamit.

1 Weche mag Ndalo 23:5

to alufu ang’wen noket jorit dhorangeye, kendo alufu ang’wen mondo opak Ruoth Nyasaye gi thumbe mane Daudi oloso.

2 Weche mag Ndalo 29:26

Kane jo-Lawi oseikore gi thumbe mane Daudi oloso, kendo jodolo bende oikore gi tungegi,

Eklesiastes 2:8

Bende ne achoko fedha gi dhahabu mane igolo e ut keno mag ruodhi mag pinje mane aloyo. Chwo gi mon ne werna mondo omiya mor, kendo ne an gi mon duto ma ng’ama dichwo nyalo dwaro.

Isaya 5:12

Utimo sewni gi kong’o mogundho kod thumbe mopogore opogore to ok udew gik ma Ruoth Nyasaye osetimo, bende ok unegi.

Ezekiel 26:13

Kamano anatiek wer duto miwero, kendo thumbe migoyo ok nochak owinji.

Amos 5:23

Weuru baro wiya gi wendeu mag pak, nikech ok adwar winjo thumbe mugoyona.

Amos 8:3

Chieng’no wende ma iwero e od ruoth nolokre mag ywak, kendo ringre jomotho nopie kuonde duto, to piny noling’ thi.”

1 Petro 4:3

E ndalo mosekadho, ne un gi kinde malach moromou timo gik ma joma ok oyie dwaro. Ne utimo timbe maricho, kaka owruok, gi gombo, gi mer, gi dwanyruok, gi metho mag anjawo, kod lamo nyiseche manono, ma en gima Chik okwero.

Fweny 18:22

Dwond joma goyo thum gi jower gi joma goyo asili gi joma goyo tung’ ok nochak owinj kuomi ngang’. Bende jotich matiyo tich moro amora ok nochak oyudi kuomi ngang’, kata dwond pong’ marego bende ok nowinji kuomi kendo.