Amos 6:3 - MUMA MALER 2015

³ Un joma ok odewo ni chieng’ bura biro, to urikni mana kutimo timbe mahundu!

Motingʼo Loko Manyien

³ Un joma ok odewo odiechieng bura mabiro, to kata kamano timbeu medo mana kelonu chandruok!

Amos 6:3 ပူးပေါင်းရင်းမြစ်များ

Zaburi 94:20

In ibet mabor gi jong’ad buch amwor, ma miyo timbe maricho nenore ka gik ma chik oyiego,

Eklesiastes 8:11

Ji ketho aketha ma ok odewo, mana nikech gineno ni kata ka ng’ato oketho, to ok yud kum piyo kaka owinjore.

Isaya 47:7

Ne iwacho niya, “Abiro bedo ruoth nyaka chieng’.” To ne ok iparo gik mane isetimogo, kata gik ma gibiro kelo achien!

Isaya 56:12

Ng’ato ka ng’ato kuomgi wacho niya, “Biuru wamany divai kod kong’o makech, mondo wamadh, wamer. Kiny bende nobed maber mana kama, kata moloyo ma.”

Ywagruok 4:5

Joma yande chamo chiemo mabeyo koro ojwang’ e wang’ yore. Jogo mane odak e ngima maber, koro kwanyo chiemo mana e pidh yugi.

Ezekiel 12:22

“Wuod dhano, ere gima omiyo jo-Israel goyo ngero niya, ‘Ndalo kadho mathoth, to weche mikoro ok timre.’

Ezekiel 12:27

“Wuod dhano, jo-Israel paro ni fweny mineno kod weche mikoro ok bi timore e ndalogi, to ni ginitimre mana bang’e achien.

Ezekiel 23:42

Bang’e mahu mar oganda joma ok dew gimoro ne owinji. Ne gin joma oa e thim. Ne girwako ronge e bede mon-go, kendo gisidhonigi osimbe mabeyo e wigi.

Amos 3:10

Ruoth Nyasaye owacho kama: “Jogo ok ong’eyo kaka digibed joma obidhore. Gipong’o utgi madongo gi gik moyaki.

Amos 3:9

Gouru milome e ut ruodhi mag Ashdod gi mag Misri, kuwacho niya, “Chokreuru kanyakla e gode moluoro Samaria, mondo uneye timbe pogruok matimore e dalano, kendo kaka ithiro ji kuno.”

Amos 5:12

nimar ang’eyo kaka kethou ng’eny, kendo ang’eyo kaka richou okadho akwana. Un usando joma onge gi ketho, kendo uchamo asoya, bende utamo joma odhier yudo bura makare.

Amos 5:18

Un joma ofuwo ma dwaro mondo chieng’ Ruoth Nyasaye obi, uparo ni chieng’no nokelnu ang’o? Ok nobed chieng’ ler, to nobed mana chieng’ mudho!

Amos 6:12

Farese bende nyalo ringo e kite? Koso dhok nyalo puro nam? To un uloko bura makare mana gima kech, kendo tim maber uloko mana gima rach.

Amos 9:10

Joga duto ma joketho ibiro negi e lweny kata mana mago duto mawacho niya, ‘Nyasaye ok nowe masira chop kuomwa.’

Mika 6:12

Joma jomoko manie dalani mayo joma odhier. Gin jomriambo mosiko ka hango wach ahanga.

Mathayo 24:48

To ka en jatich marach, to onyalo paro e chunye ni ruodhe biro deko kapok oduogo.

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.

2 Petro 3:4

ka giwacho niya, “Donge ne osingore ni oduogo? To koro erego? Nyaka ne kwerewa tho, gik moko duto osiko ochwere, mana kaka ne gibet chakre chuech piny!”

Fweny 18:17

Yaye! Mano kaka oseketh mwandune duto mana kuom sa achiel kende!” To ji duto ma weg yiedhi gi jokwang’ gi jonam kod ji duto maloko ohala e nam ne ochung’ gi kuma bor.