Amos 6:12 - MUMA MALER 2015

¹² Farese bende nyalo ringo e kite? Koso dhok nyalo puro nam? To un uloko bura makare mana gima kech, kendo tim maber uloko mana gima rach.

Motingʼo Loko Manyien

¹² Bende farese nyalo ringo e kite, koso ngʼato nyalo puro wi kitego gi dhok? Kata kamano, un to uloko bura makare bedo gima kech, bende tim makare uloko gima rach.

Amos 6:12 ပူးပေါင်းရင်းမြစ်များ

Isaya 48:4

Ne ang’eyo ni wiu tek ta, ka rwath ma ng’ute opong’, kendo ma pat wang’e tek ka lwanda.

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Hosea 10:13

To kar timo kamano, ne uchuoyo mana timbe maricho, mi richo ema ukayo, kendo usechamo olemo ma miriambou onyago. “To nikech ne ugeno yoreu uwegi, kendo ne ugeno kuom jolwenju marateke mathoth,

Hosea 10:4

Githoro weche manono ka gikuong’ore gi miriambo kendo giloso winjruok ma ok nyal konyo. Adiera oselokore miriambo, kendo landore e piny duto kaka kayongo ma ketho lowo.

Amos 2:3

Abiro nego ruodh Moab, kaachiel gi jotend pinyno duto.” Mano e wach Ruoth Nyasaye.

Amos 3:10

Ruoth Nyasaye owacho kama: “Jogo ok ong’eyo kaka digibed joma obidhore. Gipong’o utgi madongo gi gik moyaki.

Amos 5:7

Mano wach manade kuom un ma loko bura makare ataro, kendo tuono ji gik monego giyudi!

Mika 7:3

Gitimo timbe maricho gi chunygi duto. Jodongo kwayo gik moko mondo omigi, kendo jong’ad bura chamo asoya, bende jotelo golo chik mana kaka gin ema gihero.

Jakobo 3:18

Kodhi mopidhi gi kue nyago timbe mabeyo ni joma kelo kue mopidhogi.