Amos 5:5 - MUMA MALER 2015

⁵ “Kudwaro bedo mangima, to duoguru ira. To kik udhi Bethel, kata kik udhi Gilgal, bende kik ukadh nyaka Beer-sheba, nimar jo-Gilgal ibiro daro mi ter e tuech, kendo Bethel biro lal nono.”

Motingʼo Loko Manyien

⁵ kik udhi Bethel, kendo kik udhi Gilgal, to bende kik ukadhi nyaka Bersheba, nimar jo-Gilgal duto ibiro daro matergi e twech, kendo Bethel biro mana lal nono.”

Amos 5:5 ပူးပေါင်းရင်းမြစ်များ

Chakruok 21:31

Kuom mano ne ochak kanyo ni Beer-sheba, nikech en e kama ji ariyogo nokuong’oree. (Beer-sheba, to tiende ni, soko abiriyo, kata soko kuong’ruok, nikech rombe abiriyo mane gitimogo singruokno.)

Chakruok 21:33

Ibrahim to nopidho yath moro Beer-sheba, kendo nolamo Ruoth Nyasaye ma Nyasaye mochwere, kanyono.

Chakruok 26:23

Isaka nodar oa kuno, mi nodhi Beersheba.

Chakruok 26:33

Omiyo nochako nying sokono ni Shiba, (tiende ni, kuong’ruok). Mano dala man kanyo pod iluongo ni Beer-sheba.

1 Ruodhi 12:28

Omiyo ruoth Jeroboam noporo wach, moloso nyiruedhi ariyo mag dhahabu. Eka nowacho ni ji niya, “Un jo-Israel, usedhi Jerusalem moromo. Koro neuru nyisecheu mane ogolou e piny Misri!”

1 Ruodhi 12:29

Noketo nyarwath achiel Bethel, yo milambo mar piny Israel, to machielo noketo Dan, yo nyandwat.

2 Ruodhi 23:8

Bang’e Josia noluongo jodolo mane nie miech Juda, kendo noketho hembko mane jodologo wang’oe ubani, chakre Geba nyaka Beer-sheba. (Bende nomuko hembko mar jochiende mane oger e dhoranga Joshua jaduong’ Jerusalem, bat koracham kidonjo e dala.)

Ayub 8:22

to enokel wichkuot ni joma mon kodi, kendo miech joma timbegi richo nolal nono.”

Zaburi 33:10

Ruoth Nyasaye rocho paro mar ogendini. Adier, omonogi timo gik ma gichano.

Isaya 29:20

Joma ger norum, kendo josunga ok nobedie, mi jogo duto ma timbegi mono notieki.

Isaya 8:10

Kata dabed ni uchano gik ma udwaro timo, to gik ma uchanogo nokethre. Adier, kata dabed ni ugolo chik mondo otimgi, to ok ginitimre, nikech Nyasaye ni kodwa.

Jeremia 48:13

Bang’e jo-Moab noyud ni Kemosh nyasachgi ok nyal konyogi, mana kaka jo-Israel noyudo ni Bethel ma nyasachgi mane gigeno kuome ne ok nyal konyogi.

Hosea 10:8

Kuonde moting’ore ma jo-Israel timoe richo ka gilamo nyisechegi manono ibiro ketho. Kuthe gi buya ema biro twi ewi kendegi mag misango. Ji nowach ni gode niya, “Umwauru!” Kendo giniwach ni pidhe ni, “Ruombreuru kuomwa!”

Hosea 12:11

Jo-Israel lamo kido manono Gilead, to joma lamo gik ma kamago biro tho. Gitimo misengni gi ruedhi Gilgal, emomiyo kende-mag-misango biro lokore, mi dok tuche mag kite manie puothe.”

Hosea 4:15

“Kata obedo ni un jo-Israel useweya, to da obedo maber ka jo-Juda ok otimo gima chal kamano. Kik udhi ulem Gilgal kata Bethel, kendo kik ukuong’ru kuondego e nying Ruoth Nyasaye mangima.

Hosea 9:15

Ruoth Nyasaye wacho niya, “Richogi duto nochakore Gilgal, kendo kuno ema nachako monie kodgi. Kuom mano abiro riembogi e pinya, nikech richo ma gisetimo. Anawe herogi nimar jotendgi duto osetamore luora.

Amos 1:5

Abiro turo lodi mag dhoranga Damaski, mi ariemb jodong holo Aven kod Beth-eden. Jo-Aram ibi dar mi ter mabor e tuech e piny Kir.”

Amos 3:14

Chieng’ ma nakum jo-Israel kuom richogi, to naketh kende mag liswa man Bethel bende. Tunge mag kendogo nong’ad oko, mi ginipodh piny.

Amos 4:4

Ruoth Nyasaye owacho niya, “Un jo-Israel, kara dhiuru Bethel mondo utim atima richo e hekalu, kendo dhiuru Gilgal mondo utim richo kuno gi tekreu duto! Keluru jamni mondo utimgo misengni okinyi kokinyi, kendo keluru chiwo mar achiel kuom apar chieng’ mar adek ka chieng’ mar adek.

Amos 7:10

Amazia jadolo man Bethel nonyiso Jeroboam ruodh Israel niya, “Amos piem kodi e Israel, kendo wechene biro ketho piny.

Amos 7:13

To kik ichak ikor wach Bethel ka, nikech ma en Hekalu mar pinywa, kama ruoth lemoe.”

Amos 7:17

To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”

Amos 7:9

Kuonde ma joka Isaka lemoe ibiro kethi, kendo kuonde maler duto mag Israel biro kethore, bende abiro biro mondo aked gi dhood Jeroboam.”

Amos 8:14

Ji duto makuong’ore gi nying Ashima, ma Nyasaye madhako mar Samaria, kata makuong’ore gi nyasach Dan, kendo gi nyasach Beer-sheba, nopodh chuth, kendo ok nochak oa malo.”

1 Jo-Korintho 1:28

Bende noyiero gik ma piny obwono kendo ochayo kendo ma ok kwan ka gimoro mondo okethgo gik ma piny kwano ka gik madongo.

1 Jo-Korintho 2:6

To kata kamano nitie rieko ma wapuonjogo joma yiegi otegno, to ok en rieko mar pinyni, kata mar jotend pinyni, nikech gin to lochgi osechako rumo.

Rapar mar Chik 28:41

Ununywol yawuowi gi nyiri, to ok ginisik kodu, nikech notergi e tuech.

Joshua 5:9

Eka Ruoth Nyasaye nowacho ni Musa niya, “Tinendeni asegolo ayanj jo-Misri oko kuomu.” Mano emomiyo nochak kanyo ni Gilgal, kendo pod iluonge kamano nyaka chil kawuono.

Fweny 18:17

Yaye! Mano kaka oseketh mwandune duto mana kuom sa achiel kende!” To ji duto ma weg yiedhi gi jokwang’ gi jonam kod ji duto maloko ohala e nam ne ochung’ gi kuma bor.

1 Samuel 11:14

Bang’e Samuel nowacho ni ji niya, “Wadhiuru Gilgal, mondo wagur ruoth e loch kuno.”

1 Samuel 7:16

Higa ka higa nolworore Bethel, gi Gilgal, gi Mizpa, kong’ado buche jo-Israel kuondego duto.

1 Samuel 8:2

Nying wuode makayo ne Joel, to jalupne ne Abija. Ne gin jong’ad bura Beer-sheba.