Amos 5:4 - MUMA MALER 2015

⁴ Ruoth Nyasaye wacho ni jo-Israel niya,

Motingʼo Loko Manyien

⁴ Jehova Nyasaye wacho ni dhood Israel niya, “Dwarauru eka unubed mangima,

Amos 5:4 ပူးပေါင်းရင်းမြစ်များ

2 Ruodhi 20:3

“A Ruoth Nyasaye, asayi, parie kaka asewuotho e nyimi gi adieri kod chuny mobidhore, ka atimo gik malong’oni.” Eka ne oywak malit.

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

2 Weche mag Ndalo 15:2

modhi romo gi Asa. Nowacho ni Asa gi jo-Juda kod jo-Benjamin niya, “Ruoth Nyasaye ni kodu, to mana ka pod un kode. Kudware, unuyude; to kuweye en bende noweu.

2 Weche mag Ndalo 20:3

Luoro nomako Jehoshafat, moketo chunye ni kwayo Ruoth Nyasaye, kendo nochiko jo-Juda duto mondo otue chiemo.

2 Weche mag Ndalo 20:4

Ji noa e miech Juda duto, mi ochokore kaachiel mondo okwa kony kuom Ruoth Nyasaye.

2 Weche mag Ndalo 34:3

E higa mar aboro mar lochne, kane pod en rawera, nochako luwo Nyasach Daudi kwar mare. To e higa mar apar gariyo nochako pwodho Juda gi Jerusalem, koketho hembko mane ni kuonde moting’ore, gi sirni milamo, kod kido mopa gi mothedhi.

Zaburi 14:2

Ruoth Nyasaye rango ji gie polo, mondo one ane ka nitie joma riek kendo malame.

Zaburi 22:26

Joma odhier nochiem achiema mi yieng’, kendo jogo madwaro Ruoth Nyasaye biro pake. Mad gidhi nyime maber nyaka chieng’!

Zaburi 27:8

Ne iwacho niya, “Biuru ira.” Omiyo abiro iri, A Ruoth Nyasaye,

Zaburi 69:32

Ka jochan neno kamano, to gibiro bedo mamor, kendo jogo malamo Nyasaye, chunygi biro duogo.

Zaburi 69:33

Ruoth Nyasaye winjo ywak jochan, bende wiye ok wil gi joge motue.

Isaya 31:1

Mano kaka utimo gima ofuwo, un joma dhi Misri mondo uyud konyruok! Uketo genou kuom farese, kendo kuom geche mag lweny mang’eny ka kuoyo, kod joidh farese gana gi gana, to ok udew Ruoth Nyasaye ma Ng’ama Ler mar Israel, kata kwaye mondo otelnu.

Isaya 55:3

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.

Jeremia 38:20

Eka Jeremia nowachone niya, “Ok nochiwi e lwetgi, omiyo akwayi ni mondo iwinj wach Ruoth Nyasaye kaka asenyisi, mi inine maber kendo ok nonegi.

Ezekiel 18:9

Oluwo chikena, kendo orito buchena. Ng’at ma kamano en ng’at makare, omiyo enobed mangima. An Ruoth Nyasaye ema awacho kamano.

Hosea 10:12

Bang’e ne awachonigi niya, ‘Chwouru timbe makare, eka unuka gueth mawuok kuomgi. Paruru okang’, nikech en kinde ma onego uduogie ira, an Ruoth Nyasachu, mi nabi kendo aol gueth kuomu.’

Amos 5:6

Ka udwaro bet mangima, to dwaruru Ruoth Nyasaye, nono to obiro muoch kuom joka Josef ka mach. En mach mabiro wang’o jo-Israel maonge ng’ama nego.

Zefania 2:3

Dwaruru Ruoth Nyasaye un jogo duto modak e piny, kobolore kendo korito chikene. Bende dwaruru tim makare, bende beduru gi chuny mamuol nimar dipo ka uyudo kar konyruok, chieng’ mirimb Ruoth Nyasaye.

Mathayo 7:8

nikech ng’at mokwayo ema yudo, kendo ng’at modwaro ema nwang’o, bende ng’at modwong’o ema iyawone.

Rapar mar Chik 32:46

nowachonigi niya, “Chikuru itu maber mondo uwinj weche duto ma asiemougo kawuono. Puonjuru nyithindu chikego duto, mondo girit kendo gitim, mak giweyo kata achiel,

Rapar mar Chik 32:47

nikech ok gin weche manono, to gin e ngimau. Kuritogi, to gibiro miyo udag aming’a e piny ma ubiro kawo ka useng’ado aora Jordan.”

Rapar mar Chik 4:29

To kudwaro Ruoth Nyasaye ma Nyasachu gi chunyu duto gi adiera kuonde moterouego, to unuyude.