Amos 5:27 - MUMA MALER 2015

²⁷ kendo abiro darou mi ateru e tuech, e piny man loka machielo mar Damaski.” Ruoth Nyasaye Manyalo Gik Moko Duto owacho kamano.

Motingʼo Loko Manyien

²⁷ omiyo abiro darou mi ateru e piny twech mabor mayombo Damaski,” Jehova Nyasaye, ma nyinge en Nyasaye Maratego, ema owacho.

Amos 5:27 ပူးပေါင်းရင်းမြစ်များ

1 Ruodhi 14:15

Ruoth Nyasaye biro goyo jo-Israel, mi ginikirni kaka odundu ma pi yiengo, kendo nogol jo-Israel oko e piny maber ma nomiyo kweregini, mi nokegi koterogi loka aora Yufrate nikech gisemiyo Ruoth Nyasaye mirima, ka gichungo sirni milamo miluongo ni Ashera.

2 Ruodhi 15:29

E ndalo mag loch Peka ruodh Israel, Tiglath-pileser ruodh Asuria nobiro, mokawo Ijon gi Abel-bethmaaka gi Janoa gi Kedesh gi Hazor gi Gilead kod Galili. Kamano nokawo piny Naftali duto, motero jopinyno nyaka Asuria e tuech.

2 Ruodhi 17:23

nyaka Ruoth Nyasaye nogologi e nyime, kaka nosemiyo jonabine duto owacho. Nodarogi moterogi Asuria, kuma gintie nyaka chil kawuono.

2 Ruodhi 17:6

mokawe e higa mar ochiko mar loch Hoshea. Nomako jo-Israel, motero Asuria, kendo noketo moko mondo odag Hela but aora Habor man Gazon, to moko noketo e miech jo-Media.

Jeremia 38:17

Eka Jeremia nowachone niya, “Ruoth Nyasaye Manyalo Gik Moko Duto owacho ni ka iwuok ma ichiwori e lwet jotelo mag ruodh Babulon, to initony kendo dalani ok nowang’ gi mach. Adier, initony kaachiel gi joodi.

Amos 4:13

Nyasaye ema noloso gode, kendo ochueyo yamo. Onyiso dhano parone, bende oloko ler mar odiechieng’ bedo mudho. En e ruodh piny duto, kendo nyinge en Ruoth Nyasaye Manyalo Gik Moko Duto.

Amos 5:26

Koro nyaka uting’ nyisecheu manono mag sulue ma Sakuth gi Kaiwan mane uloso,

Amos 6:1

“Mano biro bedo wach marach manade kuom joma odak maber Sayun, kendo kuom joma ogeno ni gode mag Samaria nyalo resogi. Un joma dongo mag oganda maduong’ moloyo, ma joma jo-Israel dhi irgi mondo oyud konyruok,

Amos 6:7

Kuom mano, ubiro bedo joma ikwongo daro, kitero e tuech. Mano biro bedo giko mar mor mudhialorugono.”

Tich Joote 7:43

Ooyo, ne uting’o mana hemb Molek kod sulue mar Refan, ma gin nyiseche mane useloso mondo ulam. Kuom mano, koro abiro darou, mi ateru mabor, tok Babulon.’