Amos 5:25 - MUMA MALER 2015

²⁵ “Apenjou, un jo-Israel, bende nutimona misengni, kendo ukelona chiwo kuom higni piero ang’wen mane utieko e thimgo duto?

Motingʼo Loko Manyien

²⁵ “Yaye jo-Israel, bende ne ukelona misengini kata chiwo moro amora kuom higni piero angʼwen mane un e thim?

Amos 5:25 ပူးပေါင်းရင်းမြစ်များ

Nehemia 9:18

Ne giloso kido mar roya gi dhahabu moleny, mi giwacho ni mano e nyasachgi ma nogologi Misri, kendo ne gichayi ahinya.

Nehemia 9:21

Niritogi e thim kuom higni piero ang’wen, kendo onge gima ne gichando. Lepgi bende ne ok oti, kendo tiendegi ne ok okuot.

Ezekiel 20:16

Ne akuong’ora kamano nikech ne gidagi rito chikena, kendo ne giketho buchena. Ndalo mag Sabato bende ne ok girito, nikech ne gihero mana lamo nyisechegi manono.

Ezekiel 20:24

Ne akuong’ora kamano nikech ne gisedagi chikena kendo ne giketho buchena, mi ne ok girito ndalo mag Sabatona, bende ne gilamo nyiseche manono mag kweregi.

Ezekiel 20:8

“To ne gipiem koda, mi gitamore winja. Ne ok giwito nyiseche modwanyore mag Misri, kata weyo lamogi ne ok giweyo. Kuom mano, ne achano mondo atiekgi gi mirimba mager e piny Misri kuno.

Tim jo-Lawi 17:7

Ka jo-Israel nego jamni, to kik gimed timo misengni ni jochiende ma gilamo, ka gidwanyorego mana kaka dhako moweyo chwore dwanyore gi chwo mamoko, mano nobed chik momakogi kaachiel gi nyikwagi nyaka chieng’.

Zekaria 7:5

“Nyis ane ji duto kod jodolo niya, ‘Bende ne umiya duong’ adier, kuom riyo kech mane uriyogo e due mar abich gi mar abiriyo, kuom higni piero abiriyogo?

Joshua 24:14

“Kuom mano, lamuru Ruoth Nyasaye, kendo tineuru gi chuny modimbore. Wituru nyiseche mane kwereu lamo kane gidak loka aora Yufrate, kendo e piny Misri, to lamuru mana Ruoth Nyasaye.