Amos 5:17 - MUMA MALER 2015

¹⁷ Ywak nobed e puothe duto mag mzabibu, nimar anabi mondo akumu.

Motingʼo Loko Manyien

¹⁷ E puothe duto mag mzabibu ywak nobedie, nikech abiro biro mondo amiu kum,” Jehova Nyasaye owacho.

Amos 5:17 ပူးပေါင်းရင်းမြစ်များ

Wuok 11:4

Musa nowacho ni Farao niya, “Ruoth Nyasaye owacho kama: ‘Abiro wuotho kuom jo-Misri e dier otieno tir,

Wuok 12:12

Otienono nawuoth e piny Misri duto kendo naneg nyathi ka nyathi ma dichwo makayo mar dhano kod mar chiayo. An e Ruoth Nyasaye, kendo anakum nyiseche duto mag jo-Misri.

Wuok 12:23

Ruoth Nyasaye biro wuotho e piny Misri duto, mondo oneg jo-Misri, to enokadh dhoot ka dhoot moneno remo e wiye, kendo e sisi mage, kendo ok nowe malaika maneko donje uteu mondo onegu.

Isaya 16:10

Mor kod ilo norum chuth e puotheu mabeyo, kendo onge wer ma nower e puotheu mag olembe, bende onge ng’ama nogo koko gi mor. Ok unuchak ubi mzabibu kuonde bicho, kendo mahu mag mor mugoyo e ndalo keyo biro rumo.

Jeremia 48:33

Mor gi ilo osegol e piny Moab momewni. Divai tinde ok mol kuonde bicho, kendo onge joma odong’ ma dikog gi mor ka loso divai.

Joel 3:17

“Bang’e un jo-Israel unung’e ni an, Ruoth Nyasaye ma Nyasachu, adak Sayun, goda maler, kendo jopinje mamoko ok nonyone kendo.

Nahum 1:12

To Ruoth Nyasaye wacho niya, “Kata obedo ni wasigu ng’eny kendo rateke, to ibiro negogi, mi girum chuth. To un jo-Juda, kata obedo ni asandou, to ok anachak asandu kendo.

Nahum 1:15

Neyeuru kaka jaote ringo kalor e gode kakelo wach maber mar kue. Owacho niya, “A yaye, un jo-Juda, timuru sewni mau, kendo chiwuru ni Ruoth Nyasaye gik mane usekuong’oru ni unuchiw, nimar joma richo ok nochak olou kendo, nikech osetiekgi chuth.”

Zekaria 9:8

“Anachung’ e pinya ka jarito, mondo ng’ato kik donji kata wuogi, mi wasigu ok nochak olo joga nimar aseneno thagruokgi gi wang’a.”