Amos 5:13 - MUMA MALER 2015

¹³ Emomiyo ng’at mariek ling’ aling’a, nikech piny rach.

Motingʼo Loko Manyien

¹³ Emomiyo ngʼat mariek lingʼ alingʼa e kinde ma kama nikech gin kinde mag richo.

Amos 5:13 ပူးပေါင်းရင်းမြစ်များ

2 Ruodhi 18:36

To ji noling’ thi, ma onge ng’at modwoke kata wach achiel, nikech ruoth Hezekia nosegolo chik ni kik dwoke.

Ayub 32:16

Gichung’ achung’a kanyo ka onge gima giwachi! Koro pod darit arita, kata obedo ni giling’ kamano?

Zaburi 38:14

Adier, achalo ng’at ma ok nyal kwero wach, mana ka gima ita odino.

Eklesiastes 3:7

kinde mar yiecho gimoro, gi kinde mar bepo, kinde mar ling’, gi kinde mar wuoyo,

Eklesiastes 9:12

Ng’ato ok nyal ng’eyo sa ma kindene chopoe, nimar wachalo rech ma tol omako, kata winy ma omoko e wino. Adier, wamoko e sa marach ka ok wang’eyo kata matin.

Isaya 36:21

To ji noling’ thi, ma onge ng’at modwoke wach kata achiel, nikech ruoth Hezekia nosegolo chik ni kik dwoke.

Isaya 37:3

mondo odhi owachne niya, “Hezekia owacho ni kawuono en chieng’ dhier gi kum kod wichkuot. Wachalo gi dhako ma muoch kayo, to onge muya mocholgo nyathi.

Hosea 4:4

Ruoth Nyasaye wacho niya, “Un jodolo ema an kodu gi wach, omiyo kik ng’ato par ni ji ema akwero kendo asiemo.

Amos 6:10

kendo ka wat ng’at achiel kuom joma othogo obiro mondo ogol ringre wadgi, owang’, nopenj niya, ‘Pod nitie ng’ato modong’ koso?’ To dwoko nobed ni, ‘Ongee. To ling’ nimar nying Ruoth Nyasaye ok nyal hul.’ ”

Mika 2:3

Omiyo Ruoth Nyasaye wacho niya, “Achano kelo masira kuomu, kendo enochal lodi e ng’utu ma ok unyal gonyo. Ok unuchak uwuothi ka uchung’ tir, nikech kindeno nobednu kinde marach.

Habakuk 3:16

Ka awinjo gigi to kibaji goya, kendo dhoga tetni. Chokena duto nyosore, kendo tiendena kirni ka luoro ohewa. Ahora mos, karito chieng’ ma masira biro makoe joma monjowa.

Jo-Efeso 6:13

Omiyo, manreuru gi gilweny mag Nyasaye sani, mondo usir wasigu chieng’ ma lweny gerie, kendo kusetimo duto munyalo, to nonwang’ kapod uchung’ motegno.

2 Timotheo 3:1

To ng’e malong’o ni kinde mag chandruok nobedi e ndalo mag giko.