Amos 4:9 - MUMA MALER 2015

⁹ “Naoro dera morocho chambu ewi dongo. Bonyo nochamo chambu gi yiendu mag mzabibu gi ng’owo kod zeituni. Kata kamano ne ok uduogo ira.

Motingʼo Loko Manyien

⁹ “Kuom kinde mangʼeny ne aoro dera mi oketho chambu gi puotheu mag mzabibu. Bonyo noketho puotheu mag ngʼowu kod mag zeituni, to kata kuom mago duto pod utamoru duogo ira,” mano e wach Jehova Nyasaye.

Amos 4:9 ပူးပေါင်းရင်းမြစ်များ

1 Ruodhi 8:37

“Ka kech kata dera mar tho marach nie piny, kata ka cham orochore ewi dongo, kata ka bonyo kata kungu nitie, kata ka wasigu olworo dala moro, kata ka tho kata tuo manade nitie,

2 Weche mag Ndalo 6:28

“Ka kech, kata dera mar tho marach, nie piny, kata ka cham orochore ewi dongo kata ka bonyo kata kungu nitie, kata ka wasikgi oluoro dala moro, kata ka tho kata tuo manadi nitie,

Isaya 1:5

Ka pod usiko upiem apiema koda kamano, to ere dendu kama pod anyalo goyo, ka adhonde opong’o wiu, kendo ringreu duto odholore kama?

Isaya 50:11

Winjuru, un duto joma kudho mach, kendo moko meny, mi liel. Wuothuru awuotha e ligek mach musekudho kendo e meny ma usemokono! Gima ubiro yudo e lweta e ma; Ubiro rieru piny gi rem malit kutho.

Isaya 9:12

Jo-Aram biro kedo kodgi gi yo wuok chieng’, to jo-Filistia biro monjogi gi yo podho chieng’, kendo gibiro mwonyo jo-Israel mana dichiel. To kata kamano, mirimb Ruoth Nyasaye ok norum, kendo pod nosik kokumogi akuma.

Jeremia 3:10

To kata bang’ mago duto jo-Juda ma andhoke ma owete jo-Israel nowuondore ni duogo ira, to ok ne gidwogo gi chunygi duto.”

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Hosea 11:5

To gisedagi duogo ira, omiyo nyaka gidog Misri, kendo gibiro bedo e bwo loch jo-Asuria.

Joel 1:4

Bonyo madongo nochamo oboke, bang’e rumbi mar bonyo ma pod tindo nochamo oboke mane odong’.

Joel 1:7

Giseketho yiendwa mag mzabibu, kendo giselwaro it ng’opewa. Gisechamo opoko chuth, mi bede odong’ ka rachere.

Joel 2:25

An ema naoronu bonyogo kaka ogandana mar lweny, to abiro dwokonu gik mane olalnu e higni mane gichamoe puotheu.

Amos 4:6

Ruoth Nyasaye owacho niya, “An ema nakelo kech e miechu duto, mi ubedo ma onge gi chiemo. To kata kamano ne ok uduogo ira.

Amos 4:8

Ji ne a e mier moko, kendo wuotho kool kadhi e dala moro dwaro pi, to ne ok giyud moromogi. To kata kamano, ne ok uduogo ira.

Habakuk 3:17

Kata obedo ni ng’owo ok thiew, kendo mzabibu gi zeituni ok nyagi, bende puothe ok chieg cham, kendo rombe gi dhok onge dala,

Hagai 2:17

Ne aketho chambu duto gi dera marach kod pe, to kata kamano ne ok uduogo ira. An Ruoth Nyasaye ema awacho kamano.”

Malaki 3:11

Ok nawe kute keth chambu, kendo yiendu mag mzabibu nonyag olembe mang’eny.

Rapar mar Chik 28:22

Ruoth Nyasaye biro goyou gi kahera gi midhusi gi tuo akuodi kod gwonyo, kendo kelonu oro, mi cham rochre ewi dongo. Gigo duto biro thagou nyaka urum.

Rapar mar Chik 28:42

Yiendu duto, kod gik monyak e puotheu, bonyo notiek pep.