Amos 4:7 - MUMA MALER 2015

⁷ Ne atamo koth chuenu e ndalo monego ochuee. Ne amiyo koth ochue e mier moko, to puothe mane ok ochuee nowang’.

Motingʼo Loko Manyien

⁷ “Ne amako koth mondo kik chue kane pod odongʼ dweche adek to piny chiek. Ne amiyo koth ochwe e mier moko, to ok e mier mamoko. Ne ochwe e puothe moko, to puothe mane ok ochweye, to ne wangʼ.

Amos 4:7 ပူးပေါင်းရင်းမြစ်များ

Wuok 10:22

Musa norieyo bade kochomo polo, mi mudho mandiwa noimo piny Misri duto kuom ndalo adek.

Wuok 10:23

Onge ja-Misri mane nyalo neno wadgi, kendo onge ng’at mane owuok e ode kuom ndalo adekgo. To kamoro amora mane jo-Israel odakie ema ler ne nitie.

Wuok 8:22

To chieng’no ok nahon lwang’ni e piny Goshen, kuma joga odakie, mi ining’e ni an Ruoth Nyasaye kara anie pinyni!

Wuok 9:26

To mak mana piny Goshen kende mane jo-Israel odakie, ema ne ok ogoyo.

Wuok 9:4

Jamb jo-Israel to ok abi timonigi gima abiro timoni jamb jo-Misri, mi onge chiach ja-Israel kata achiel ma notho.’

Isaya 5:6

Kamano, anawe okethre. Bende ok nolwer bede olembene, kata doch ok nodoye, to kudho kod pedo ema nogawree, kendo anakwer boche polo mondo koth kik chak chue kanyo.

Jeremia 14:22

Bende nyiseche manono mag ogendini nyalo kelo koth adier? Koso polo giwegi nigi teko mar miyo koth chue? Ooyo, in ema waketo chunywa kuomi, A Ruoth Nyasaye ma Nyasachwa, nikech in kende ema inyalo timo gik ma kamago.”

Jeremia 14:3

Jodongo oro jotichgi mondo oumbnigi, to ka gichopo e sokni, to ok giyud pi, omiyo giduogo gi dapige nono. Giumo wigi nikech gidhier nono, kendo gikia gima ginyalo timo.

Jeremia 14:4

Chuny jopur lit, nikech koth onge, kendo piny otwo, omiyo giumo wigi.

Jeremia 3:3

Mano emomiyo koth ne ok ochue, kata mana kodh opon ne ok oton. To bende uchalo dhako ma jachode, nikech uonge gi wichkuot.

Joel 2:23

Beduru mamor un jo-Sayun, beduru mail kuom gima Ruoth Nyasaye ma Nyasachu osetimonu. Omiyou koth maber moromo cham, adier, omiyou kodh chwiri gi kodh opon, kaka chon.

Zekaria 14:17

To ka dhoot moro mar ogendini ma e piny ok odhi Jerusalem mondo olam Ruoth Nyasaye Manyalo Gik Moko Duto ka ruodhgi, to koth ok nochue e pinygi.

Johana 4:35

Donge uwacho ni pod dueye ang’wen eka cham chiegi? Anto awachonu ni, ng’iuru puothe maber, mondo une kaka cham osechiek moromo keyo!

1 Jo-Korintho 4:7

Ang’o momiyo iparo ni iduong’ moloyo jomoko? Koso ang’o ma iparo ni in-go mane Nyasaye ok ema omiyi? Koro ere gima omiyo isungori ka gima gik ma in-go ok omiyi amiya?

Rapar mar Chik 11:17

Kutimo kamano, to mirimb Ruoth Nyasaye noliel kuomu ka mach, mi enomi koth rum. Piny ok nochieg cham, kendo karu nolal nono piyopiyo e piny momew ma Ruoth Nyasaye nomiuno.

Jakobo 5:17

Elija ne en mana dhano ka wan. Nolemo matek mondo koth kik chue, mi koth ne ok ochue e piny kuom higni adek gi nus.

Fweny 11:6

Gin gi teko mar loro polo mondo koth kik chue e ndalo ma gihuloe wach. Bende gin gi teko mar loko pige doko remo, kendo gin gi teko mar kelo tuoche mopogore opogore e piny e kinde akinda ma gidwaro.