Amos 4:6 - MUMA MALER 2015

⁶ Ruoth Nyasaye owacho niya, “An ema nakelo kech e miechu duto, mi ubedo ma onge gi chiemo. To kata kamano ne ok uduogo ira.

Motingʼo Loko Manyien

⁶ “Ne akelo kech e miechu duto, kendo nubedo maonge chiemo, to kata kamano pod utamoru duogo ira,” Jehova Nyasaye owacho.

Amos 4:6 ပူးပေါင်းရင်းမြစ်များ

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

1 Ruodhi 18:2

Omiyo Elija nowuok mondo Ahab onene. Ndalogo kech ne duong’ e Samaria,

2 Ruodhi 4:38

Elisha nodok Gilgal. Chieng’ moro kane kech nie piny, Elisha ne ni kod oganda jonabi, kapuonjogi. Nowacho ni jatichne niya, “Ket agulu maduong’ e kendo, ited chiemo ni jonabigi.”

2 Ruodhi 8:1

Elisha nosenyiso dhako mane ochierone wuode cha niya, “Dar gi joodi, udhi udag kamoro amora ma unyalo yudoe thuolo, nikech Ruoth Nyasaye biro kelo kech e piny kuom higni abiriyo.”

2 Weche mag Ndalo 28:22

To Ahaz achielni nomedo ketho ni Ruoth Nyasaye e ndalo mar chandruokne,

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 3:1

Winjuru! An Ruoth Nyasaye Manyalo Gik Moko Duto abiro tieko chiemo kod pi e Jerusalem gi Juda, kendo abiro golo ji duto ma ugeno kuomgi,

Isaya 9:12

Jo-Aram biro kedo kodgi gi yo wuok chieng’, to jo-Filistia biro monjogi gi yo podho chieng’, kendo gibiro mwonyo jo-Israel mana dichiel. To kata kamano, mirimb Ruoth Nyasaye ok norum, kendo pod nosik kokumogi akuma.

Isaya 9:13

To ji ok noduog ir jal ma nobed ka kumogi. Ooyo, ok ginidwar mondo Ruoth Nyasaye Manyalo Gik Moko Duto otelnigi.

Jeremia 14:18

Ka awuok oko e pap, to aneno ringre joma onegi e lweny, to ka adonjo e dala moro, to aneno joma kech nego. Jonabi gi jodolo dhi nyime gi tijegi, to chutho ok ging’eyo gima gitimo.’ ”

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Ezekiel 14:21

“Koro an Ruoth Nyasaye awacho kama: Ka kamano, Jerusalem none malit machal nadi, ka akumogi gi lweny gi kech gi ondiegi kod tho marach, ma gin kumna ang’wen marichoe moloyo, mabiro nego ji kod jamni machalre?

Ezekiel 16:27

“Koro aserieyo bada mondo akumi, kendo amayi gueth mane aguedhigo. Asechiwi e lwet jo-Filistia ma mon kodi, kendo mojok gi timbeni mag dwanyruok.

Hosea 11:5

To gisedagi duogo ira, omiyo nyaka gidog Misri, kendo gibiro bedo e bwo loch jo-Asuria.

Hosea 5:15

“Abiro dhi mi adog kar dakna nyaka chop kinde ma giyie ni giseketho, mi giduog ira ka gidwara gi chunygi duto, nikech thagruok malit ma giseyudo.”

Joel 1:16

Cham kethore mana kwaneno; mor onge e Od Nyasachwa;

Tim jo-Lawi 26:23

“Ka gigo duto ok omiyo uduogo ira, to usiko ka upiem koda,

Tim jo-Lawi 26:26

Anami chiembu doko manok, mi agulu achiel norom mon apar tedoe. Ginipimnu chiemo mana e rapim, kendo kata kuchiemo, to ok unuyieng’ ngang’.

Hagai 2:17

Ne aketho chambu duto gi dera marach kod pe, to kata kamano ne ok uduogo ira. An Ruoth Nyasaye ema awacho kamano.”

Rapar mar Chik 28:38

“Ubiro chwoyo kodhi mang’eny e puotheu, to unuka matin, nimar bonyo biro chamogi.

Fweny 2:21

Ne amiye kinde mondo olok chunye, to otamore weyo terruokne.

Ruth 1:1

E ndalo mane jobura rito piny Israel kech nowuok, mi ng’at moro ma ja-Bethlehem-Juda nodhi gi chiege kod yawuote ariyo mondo odag e piny Moab.