Amos 4:4 - MUMA MALER 2015

⁴ Ruoth Nyasaye owacho niya, “Un jo-Israel, kara dhiuru Bethel mondo utim atima richo e hekalu, kendo dhiuru Gilgal mondo utim richo kuno gi tekreu duto! Keluru jamni mondo utimgo misengni okinyi kokinyi, kendo keluru chiwo mar achiel kuom apar chieng’ mar adek ka chieng’ mar adek.

Motingʼo Loko Manyien

⁴ “Dhiuru Bethel mondo utim richo; kendo dhiuru Gilgal mondo umed timoe richo. Keluru misengini magu okinyi kokinyi kendo keluru achiel kuom apar magu bangʼ higni adek ka higni adek.

Amos 4:4 ပူးပေါင်းရင်းမြစ်များ

Eklesiastes 11:9

Un joma tindo, beduru mamor e ndalo ma pod utindo. Timuru gik moko duto mudwaro, kendo yuduru gik moko duto ma chunyu gombo. To kata kamano, nyaka ung’e ni Nyasaye noyalu kuom gik moko duto mutimo.

Ezekiel 20:39

“An Ruoth Nyasaye awacho kama: Ara, un jo-Israel, koro dhiuru adhiya nyime gi tiyo ni nyisecheu manonogo! To aramo ni e giko to ubiro luora, mi ok unumi nyinga maler kethre kuom chiwo mich ni nysecheu manono.”

Hosea 12:11

Jo-Israel lamo kido manono Gilead, to joma lamo gik ma kamago biro tho. Gitimo misengni gi ruedhi Gilgal, emomiyo kende-mag-misango biro lokore, mi dok tuche mag kite manie puothe.”

Hosea 4:15

“Kata obedo ni un jo-Israel useweya, to da obedo maber ka jo-Juda ok otimo gima chal kamano. Kik udhi ulem Gilgal kata Bethel, kendo kik ukuong’ru kuondego e nying Ruoth Nyasaye mangima.

Hosea 9:15

Ruoth Nyasaye wacho niya, “Richogi duto nochakore Gilgal, kendo kuno ema nachako monie kodgi. Kuom mano abiro riembogi e pinya, nikech richo ma gisetimo. Anawe herogi nimar jotendgi duto osetamore luora.

Amos 3:14

Chieng’ ma nakum jo-Israel kuom richogi, to naketh kende mag liswa man Bethel bende. Tunge mag kendogo nong’ad oko, mi ginipodh piny.

Amos 5:5

“Kudwaro bedo mangima, to duoguru ira. To kik udhi Bethel, kata kik udhi Gilgal, bende kik ukadh nyaka Beer-sheba, nimar jo-Gilgal ibiro daro mi ter e tuech, kendo Bethel biro lal nono.”

Mathayo 23:32

Kara, dhiuru adhiya nyime, mondo utiek tich mane kwereu ochako!

Mathayo 26:45

Bang’e ne ochako odwogo ir jopuonjrene, mopenjogi niya, “Pod unindo aninda kuyueyo? Winjuru, sa koro chiegni mibiro chiwoe Wuod Dhano e lwet joricho.

Mariko 14:41

Ne ochako odwogo irgi mar adek, mopenjogi niya, “Pod unindo aninda kuyueyo? Oromo! Sa osechopo! Neuru, Wuod Dhano koro ichiwo e lwet joricho.

Mariko 5:5

Ndalo duto ne obayo abaya e kind liete, kendo e gode, odiechieng’ gotieno, koywak kendo ong’olore gi kite.

Rapar mar Chik 26:12

“Ka usetieko choko achiel kuom apar mag gik monyak e higa mar adek, ma en higa michiwoe achiel kuom apar mar gik manyak, to nyaka uchiw gigo ni jo-Lawi gi jopinje mamoko modak kuomu, kaachiel gi nyithindo ma kiye kod mond liete, mondo gibed gi chiemo moromogi e miechu.