Amos 4:11 - MUMA MALER 2015

¹¹ “Ne atieko jomoko kuomu kaka ne atieko Sodom gi Gomora, kendo ne uchalo gi luth moyudh e mach. Kata kamano ne ok uduogo ira.

Motingʼo Loko Manyien

¹¹ “Ne atieko jomoko kuomu mana kaka ne atieko Sodom gi Gomora, kendo ne uchalo mana gi yien moyudh kawangʼ e mach, to kata kuom mago duto pod ne utamoru duoga ira,” Jehova Nyasaye owacho.

Amos 4:11 ပူးပေါင်းရင်းမြစ်များ

Isaya 13:19

Kamano, kata obedo ni Babulon, en dala maberie moloyo mier mag pinje mamoko duto, kendo ma jo-Babulon sungorego, to Nyasaye nokethe mana kaka noketho Sodom gi Gomora.

Isaya 7:4

‘Nyaka ibed gi kue, ma ok ibedo maluor. Kik iwe mirima mager ma Rezin gi jo Aram kod wuod Remalia nigo, nyos chunyi, nikech gin mana meny ariyo mag mach motimo iro.

Isaya 9:12

Jo-Aram biro kedo kodgi gi yo wuok chieng’, to jo-Filistia biro monjogi gi yo podho chieng’, kendo gibiro mwonyo jo-Israel mana dichiel. To kata kamano, mirimb Ruoth Nyasaye ok norum, kendo pod nosik kokumogi akuma.

Jeremia 23:14

To bende aseneno ka jonabi mag Jerusalem timo mana gik mamono. Giterore, to kendo giwacho miriambo, bende gijiwo joma timo richo, omiyo onge ng’ama nyalo weyo timbene maricho. Giduto gichalna gi jo-Sodom gi jo-Gomora.

Jeremia 49:18

Gima ne otimore ni Sodom gi Gomora kane okethogi kaachiel gi mier mokiewo kodgi, e gima biro timore ni piny Edom. Onge ng’ama nodag kuno, kata mana ma nobworie. An Ruoth Nyasaye ema awacho kamano.

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Jeremia 50:40

Gima notimore ni Sodom gi Gomora kane akethogi kaachiel gi mier mokiewo kodgi, e gima biro timore ni Babulon. Onge ng’ama nodag kuno, kata mana ma nobworie. An Ruoth Nyasaye ema awacho kamano.

Ezekiel 24:13

In Jerusalem bende, timbeni mag chode osemiyo ibet modwanyore. Kata obedo ni ne atemo pwodhi kamano, to pod ne isiko asika ka idwanyori. Kuom mano, ok nichak ibed maler kendo, nyaka chop ka akumi gi mirimba duto mager.

Hosea 11:5

To gisedagi duogo ira, omiyo nyaka gidog Misri, kendo gibiro bedo e bwo loch jo-Asuria.

Hosea 11:8

“To ere kaka daweu, un jo-Israel? Koso ere kaka dajwang’u? Bende datieku adier, kaka ne atieko jo-Adma? Koso anyalo timonu kaka ne atimo ni jo-Zeboim? Ooyo, ok anyal timonu kamano, nikech aherou ahinya.

Amos 4:6

Ruoth Nyasaye owacho niya, “An ema nakelo kech e miechu duto, mi ubedo ma onge gi chiemo. To kata kamano ne ok uduogo ira.

Hagai 2:17

Ne aketho chambu duto gi dera marach kod pe, to kata kamano ne ok uduogo ira. An Ruoth Nyasaye ema awacho kamano.”

Zekaria 3:2

Eka malaika mar Ruoth Nyasaye nowacho ni Satan niya, “Yaye Satan, Ruoth Nyasaye mondo okweri! Adier, Ruoth Nyasaye moseyiero Jerusalem obed mare owuon, mondo okweri! Ng’atni donge chalo gi yien moyudhi kaliel e mach?”

Jo-Rumi 9:29

Mano oluore gi gima Isaya nosewacho chon niya, “Ka dine Ruoth Nyasaye Manyalo Gik Moko Duto ok oweyonwa joma chungo wiwa, to dine warumo mana ka Sodom gi Gomora.”

1 Jo-Korintho 3:15

to ka tich ng’ato owang’, to ok noyud pokne, to en owuon norese, to mana ka ng’ama osekadho e mach.

Rapar mar Chik 28:24

Kar kelo koth, to Ruoth Nyasaye nomi lowo gi buru chwenu mana ka koth, nyaka tieku.

Rapar mar Chik 29:23

Piny duto nowang’ gi mach kendo notim chumbi, ma ok nyal pidhie gimoro, kata mana lum bende ok notwiye. Nokethre mana ka Sodom gi Gomora, kod Adma gi Zeboim, mane Ruoth Nyasaye otieko gi mirimbe mager.

2 Petro 2:6

Nyasaye nokumo mier mag Sodom gi Gomora, kowang’ogi, mi gilokore buru. Kamano nolokogi ranyisi mar gima biro timore ni joma ok oluoro Nyasaye.

Juda 1:23

Resgiuru, kugologi e mach. Ji moko nitie ma bende nyaka ukechi, to mana ka uluor, kendo kubedo mosin kata mana gi lepgi ma gombogi mag richo osechido.

Juda 1:7

Bende paruru Sodom gi Gomora kod mier mokiewo kodgi. Gin bende ne gidonjo e tim terruok kod dwanyruok madhoch, mi giyudo kum mar mach mak tho, mondo obed ranyisi ni ji duto.

Fweny 9:20

To joma odong’ mane masichego ok onego, pod ne ok oloko chunygi oa kuom gik mane giseloso gi lwetgi, to ne gimedo mana lamo jochiende gi nyiseche manono molos gi dhahabu gi fedha gi mula gi kidi kod bao, ma gin gik ma ok nyal neno, kata winjo wach, kata wuotho.