Amos 3:9 - MUMA MALER 2015

⁹ Gouru milome e ut ruodhi mag Ashdod gi mag Misri, kuwacho niya, “Chokreuru kanyakla e gode moluoro Samaria, mondo uneye timbe pogruok matimore e dalano, kendo kaka ithiro ji kuno.”

Motingʼo Loko Manyien

⁹ Gouru milome e kuonde mochiel motegno mag Ashdod kaachiel gi Misri: “Chokreuru kanyakla e gode molworo Samaria, mondo uneye timbe mamono matimore e dalano, kendo kaka isando ji kuno.”

Amos 3:9 ပူးပေါင်းရင်းမြစ်များ

2 Samuel 1:20

Kik ihul wachni e Gath. Kik igo milome mare e wang’yore mag Ashkelon, dipo ka mond Filistia obedo mamor. Ee, dipo ka nyi joma kia Nyasayego obedo moil.

Ngeche 1:13

Bang’e wakaw mwandu mogundho, mi wapong’ miechwa gi gik mwayako.

Ngeche 11:16

Dhako malong’o yudo luor, to dhako ma kite rach yudo wichkuot. Ng’at ma jaluoro ok nyal yudo mwandu, to ng’at ma jachir nyaka bed jamoko.

Eklesiastes 4:1

Bang’e ne achako arango timbe ma isandogo ji e pinyni, mi ne aneno joma isando kaywak, to onge ng’ama konygi, nikech joma ne sandogi ne nigi teko mathoth.

Jeremia 31:5

Unuchak upidh mzabibu e gode mag Samaria, kendo joma opidhogi nocham olemo ma ginyago.

Jeremia 46:14

“Landuru wach e miech Misri ma Migdol gi Memfis kod Tapanhes, mondo giikre gisir wasikgi, nimar lweny oseketho kuonde machiegni kodu.

Jeremia 50:2

Huluru wach ni ogendini! Kik umung’gi, to gonigiuru milome! Chunguru bandera mondo ji ong’e ni Babulon osepodho. Marduk nyasache osemaki. Nyiseche mamoko mag Babulon oyudo wichkuot. Nyiseche makuerogo okethi.

Ezekiel 36:8

To un joga Israel, yien nochak odongnu e gode mag Israel, mi nyagnu olembe, nikech ubiro dok e pinyu mak odeko.

Ezekiel 37:22

Anariwgi mondo gibed oganda achiel e piny gode mag Israel. Ginibed gi ruoth achiel maritogi, bende ok ginichak gipogre ogendini ariyo, kata pinje ariyo.

Hosea 7:1

“Pile ka adwaro chango jo-Israel mondo gichak gidhi nyime maber, to richogi gi timbegi makuero ema aneno. Giwuondo ji kendo gituro udi mondo gikuelie, bende gimayo ji gik moko kata mana e wang’ yore.

Amos 1:8

kendo abiro riembo jodong mier mag Ashdod gi Ashkelon. Anakum dala mar Ekron, kendo jo-Filistia duto modong’ notho.” Mano e wach Ruoth Nyasaye.

Amos 4:1

“Winjuru, un mond Samaria machwe ka dhok makwayo e lege momew. Uthago joma onge teko, kendo usando joma odhier, bende ng’ato ka ng’ato kuomu rungo chwore, ka wacho niya, ‘Kelna gima anyalo madho!’

Amos 5:11

Usethiro joma odhier, kendo usekawo chambgi moko kaka osuru. Kuom mano ok unudag e udi mabeyo mag kite musegero, bende ok unumadh divai kuom mzabibu mabeyo musepidho,

Amos 6:1

“Mano biro bedo wach marach manade kuom joma odak maber Sayun, kendo kuom joma ogeno ni gode mag Samaria nyalo resogi. Un joma dongo mag oganda maduong’ moloyo, ma joma jo-Israel dhi irgi mondo oyud konyruok,

Amos 6:3

Un joma ok odewo ni chieng’ bura biro, to urikni mana kutimo timbe mahundu!

Amos 8:6

Wabiro uso cham maricho e nengo maber. Bang’e wanyalo ng’iewo joma odhier mondo obed wasumbni mana kuom nengo moromo patpat.”

Mika 6:10

Mwandu muyudo e yor miganga ema opong’o ut joma richo. Gipimo gik moko gi rapim ma ok ni kare, ma ok adwar.

1 Samuel 5:1

Kane jo-Filistia okawo Sanduk mar Nyasaye, ne gigole Ebenezer, mi gikele Ashdod.