Amos 3:2 - MUMA MALER 2015

² kendo un ema aseng’eyou kendo ritou kuom ogendini duto manie piny. Kuom mano abiro kumou kuom richou duto.

Motingʼo Loko Manyien

² “Un kende ema aseyiero kuom ogendini duto manie piny; mano emomiyo abiro kumou kuom richou duto musetimo.”

Amos 3:2 ပူးပေါင်းရင်းမြစ်များ

Chakruok 10:32

Giduto ne gin dhout yawuot Nowa, kaluwore gi anywolagi kod pinjegi, kendo gin ema ne ginywolo ogendini mopogore opogore mae piny bang’ ataro.

Chakruok 18:19

Aseyiere mondo ochik nyithinde kod nyikwaye oluw yorena ka gitimo timbe mabeyo kendo makare. Kamano natimne gik moko duto ma nasesingorane.”

Zaburi 147:19

Onyiso nyikwa Jakobo wachne. Ee, ogolo chikene gi buchene ni jo-Israel.

Wuok 32:34

Koro dhiyo mondo itel ni ji nyaka kuma nasenyisi. Malaikana notel nyimi, to kinde biro chopo ma anakumgie kuom richogi.”

Isaya 63:19

Kuom ndalo mang’eny osekwanwa ka joma ok nie bwo lochni, mana ka gima ok wan jogi iwuon.

Jeremia 1:15

Aluongo ogendini duto man yo nyandwat mondo obi. Ruodhi maggi bende nobi, kendo norenj kombegi mag loch e dhorangeye Jerusalem, kendo e alwora mar ohinga Jerusalem, kendo e alwora mag mier moko duto mag Juda.

Jeremia 10:25

Ol mirimbi kuom ogendini ma ok oyie kuomi. Ee, kech kod jogo ma ok lami! Gisenegowa, wan nyikwa Jakobo, mi gitiekowa duto, kendo giketho pinywa.”

Jeremia 11:22

Kuom mano Ruoth Nyasaye Manyalo Gik Moko Duto nowuoyo kuomgi niya, “Abiro kumogi. Yawuotgi biro tho e lweny. Nyithindgi bende kech biro nego.

Jeremia 13:21

Unuwach ni ji ang’o ka joma yande uparo ni osiepeu ema koro oket e wiu ka jotendu? Ubiro bedo gi rem mana ka dhako ma muoch kayo!

Jeremia 14:10

Ruoth Nyasaye wuoyo kuom jogi niya, “Gihero ringo weya kamano, kendo gibayo kamoro amora ma gihero. Kuom mano, ok amor kodgi, to aparo richo ma gisetimo, kendo abiro kumogi nikech richogigo.”

Jeremia 9:25

Ruoth Nyasaye wacho ni ndalo biro ma nokumie ji duto moter nyangu,

Ezekiel 5:9

Usedwanyoru marach gi timbeu manono, omiyo abiro kumo jo-Jerusalem gi kum marach ma nyaka nene pok akumogigo.

Ezekiel 9:6

Neguru joma dongo gi joma tindo, chwo gi mon, mine gi nyithindo, to kik umul ng’ato ang’ata man gi kido e lela wang’e. To chakuru timo kamano mana gie Hekalu mara.” Omiyo ne gichako mana gi jodongo mane ochung’ e Hekalu.

Daniel 9:12

Ne ichopo mana gik moko mane iwacho ni nitimnwa kaachiel gi jotendwa, nimar ne ikumo Jerusalem malich moloyo dala moro amora e piny.

Hosea 2:13

Anakume kuom kinde mane oweyae, mowang’o ubani ni Baal, kendo orwako gik mabeyo mondo olombgo chodene. An Ruoth Nyasaye ema awacho kamano.

Hosea 5:3

Ang’eyo kaka jo-Israel chalo, kendo ok ginyal pondona. Giseweya kaka dhako weyo chwore, to dwanyore gi chwo mamoko.”

Hosea 8:13

Gihero timo misengni, kendo gihero chamo ring misengnigo. To an Ruoth Nyasaye ok amor kodgi, kendo abiro paro richogi mi akumgi, ka adwokogi e piny Misri.

Hosea 9:9

Usedonjo matut e richo mana kaka notimore Gibea. Nyasaye nopar richou, mi nokumu.

Amos 2:4

Ruoth Nyasaye owacho niya, “Jo-Juda osetimo richo mang’eny, omiyo abiro kumogi mak orem, nikech gisechayo puonjna, kendo gisedagi rito chikena. Nyiseche manono mane kweregi lamo osemiyo gibaro, mi giweya.

Amos 3:3

Uparo ni ji ariyo nyalo chako wuoth kaachiel ka pok giwinjore?

Amos 6:1

“Mano biro bedo wach marach manade kuom joma odak maber Sayun, kendo kuom joma ogeno ni gode mag Samaria nyalo resogi. Un joma dongo mag oganda maduong’ moloyo, ma joma jo-Israel dhi irgi mondo oyud konyruok,

Mika 2:3

Omiyo Ruoth Nyasaye wacho niya, “Achano kelo masira kuomu, kendo enochal lodi e ng’utu ma ok unyal gonyo. Ok unuchak uwuothi ka uchung’ tir, nikech kindeno nobednu kinde marach.

Nahum 3:4

Mago duto otimore nikech timbeni modwanyore. Ne in dala ma jaber, to ipong’ gi timbe mag juok. Ne indhogo ogendini gi timbeni mag juok gi mag dwanyruokgo.

Tich Joote 17:26

“Nochueyo ng’at achiel, mi omiyo ogendini duto owuok kuome. En owuon ema noseketonigi ndalo mag loch, kod tong’ pinje ma gidakie.

Jo-Rumi 2:9

Masira kod chandruok noyud ng’ato ka ng’ato matimo richo. Jo-Yahudi ema nokwong yudo masichego, eka joma ok jo-Yahudi bende noyudgi.

1 Jo-Korintho 8:3

To ka ng’ato ohero Nyasaye to mano nyiso ni Nyasaye ong’eye.

Rapar mar Chik 10:15

To kata kamano, Ruoth Nyasaye ne pod rito kwereu nikech noherogi, mi bang’gi noyiero mana un nyikwagi kuom ogendini moko duto mondo ubed joge, kaka pod ubet nyaka chil kawuono.

Rapar mar Chik 26:18

Ruoth Nyasaye bende osehulo tinende ni un e joge owuon, marito chikene duto, kaka nosingorenu.

Rapar mar Chik 32:9

To Ruoth Nyasaye owuon noyiero joka Jakobo mondo obed joge owuon, kendo obed mwandune.

Rapar mar Chik 4:32

“Koro penjuru ane gima notimore e higni machon, ndalo mane pok onywolu, chakre kinde mane Nyasaye ochueyoe dhano e piny. Bende penjuru ane wach, chakre tung’ piny nyaka tung’ piny, ka gima duong’ kamano oseneye kata osewinjie.

Rapar mar Chik 7:6

nimar un joma owal ni Ruoth Nyasaye ma Nyasachu. Ruoth Nyasaye ma Nyasachu noyierou e kind ji duto mae piny mondo ubed ogandane moyiero.

1 Petro 4:17

Ndalo mar ng’ado bura osechopo, kendo jo-Nyasaye ema ikwongo ng’ad nigi bura! To ka wan ema bura ochakore kuomwa kamano, to jogo ma otamore winjo Wach Maber mar Nyasaye to nobed nadi,