Amos 3:10 - MUMA MALER 2015

¹⁰ Ruoth Nyasaye owacho kama: “Jogo ok ong’eyo kaka digibed joma obidhore. Gipong’o utgi madongo gi gik moyaki.

Motingʼo Loko Manyien

¹⁰ Jehova Nyasaye wacho niya, “Jogo ok ongʼeyo timo tim makare kendo utegi madongogi opongʼ mana gi gik moyaki.”

Amos 3:10 ပူးပေါင်းရင်းမြစ်များ

Ayub 20:21

omiyo kane ochiemo, to gimoro ok dong’ e tape. To koro sani gige oserumo.

Zaburi 14:4

Ruoth Nyasaye penjo niya, “Joma timbegi richo dutogi ok ong’eyo gimoro koso? Gimwonyo joga ka joma mwonyo kuon, to ok ginyal lama ngang’!”

Ngeche 1:13

Bang’e wakaw mwandu mogundho, mi wapong’ miechwa gi gik mwayako.

Ngeche 11:16

Dhako malong’o yudo luor, to dhako ma kite rach yudo wichkuot. Ng’at ma jaluoro ok nyal yudo mwandu, to ng’at ma jachir nyaka bed jamoko.

Ngeche 28:5

Joma timbegi mono ok ong’eyo adiera, to jogo malamo Ruoth Nyasaye ong’eyo gik moko duto.

Eklesiastes 4:1

Bang’e ne achako arango timbe ma isandogo ji e pinyni, mi ne aneno joma isando kaywak, to onge ng’ama konygi, nikech joma ne sandogi ne nigi teko mathoth.

Jeremia 4:22

Ruoth Nyasaye wacho niya, “Joga ofuwo, kendo ok ging’eya. Gichalo gi nyithindo momemore, kendo maonge rieko. Richo ema ging’eyo timo, to timo gima ber otamogi.”

Jeremia 5:4

Bang’e nowacho niya, “Chutho jogi gin joma ofuwo maonge rieko. Ok ging’eyo yor Ruoth Nyasaye kod gima Nyasachgi dwaro.

Ezekiel 18:7

Ok othir ng’ato kendo ok omechi, bende odwoko gima osingne. Joma kech ohewo omiyo chiemo, kendo joma wuotho duge orwako gi lewni.

Ezekiel 22:29

Ji ajia bende wuondo ji kendo mecho. Gisando joma odhier kod jopinje mamoko modak kuomgi.

Ezekiel 8:17

Ruoth Nyasaye nopenja niya, “Wuod dhano, donge ineno mano? Timbe makuero ma isenenogo pok oromo jo-Judagi koso, ma pod gimedoe mana pong’o piny gi timbe mahunduni, ka gimedo miyago mirima? Neye kaka giyanya marach moloyo!

Hosea 7:1

“Pile ka adwaro chango jo-Israel mondo gichak gidhi nyime maber, to richogi gi timbegi makuero ema aneno. Giwuondo ji kendo gituro udi mondo gikuelie, bende gimayo ji gik moko kata mana e wang’ yore.

Amos 4:1

“Winjuru, un mond Samaria machwe ka dhok makwayo e lege momew. Uthago joma onge teko, kendo usando joma odhier, bende ng’ato ka ng’ato kuomu rungo chwore, ka wacho niya, ‘Kelna gima anyalo madho!’

Amos 5:7

Mano wach manade kuom un ma loko bura makare ataro, kendo tuono ji gik monego giyudi!

Amos 6:12

Farese bende nyalo ringo e kite? Koso dhok nyalo puro nam? To un uloko bura makare mana gima kech, kendo tim maber uloko mana gima rach.

Amos 6:3

Un joma ok odewo ni chieng’ bura biro, to urikni mana kutimo timbe mahundu!

Amos 6:8

Ruoth Nyasaye Manyalo Gik Moko Duto osesingore owuon niya, “Asin gi sunga mar joka Jakobo, kendo asin gi utgi madongo dongo. Abiro chiwo Samaria ma dalagi, kod gik moko duto man e iye e lwet wasigu.

Mika 6:10

Mwandu muyudo e yor miganga ema opong’o ut joma richo. Gipimo gik moko gi rapim ma ok ni kare, ma ok adwar.

Zefania 1:9

Chieng’no abiro kumo jogo duto mamiel e laru mar Hekalu, kendo mapong’o od ruodhgi gi timbe mahundu kod timbe mag wuond.

2 Petro 3:5

To gitamore yie mar oyiem ni kata obedo ni polo osebetie nyaka nene, to Nyasaye nowuoyo mi piny obetie koa kuom pi, kendo pi ema ne ocheyego.