Amos 2:9 - MUMA MALER 2015

⁹ To koro eka un ema numiyo atieko jo-Amor ma raboche ka yiend sida, kendo matek ka yiend ober. Ne atiekogi pep!”

Motingʼo Loko Manyien

⁹ “Ne atieko jo-Amor mana ka gineno, kata obedo nine gin roboche ka yiend sida, kendo roteke ka yiend ober. Ne aketho olembene kod tiendene!

Amos 2:9 ပူးပေါင်းရင်းမြစ်များ

Chakruok 15:16

Tieng’ mar ang’wen mar nyikwayi nodwog ka nikech ndalogo ema noyud ka richo jo-Amor osemedore moromo kum.”

1 Weche mag Ndalo 1:14

Nyikwaye ne gin jo-Jebus gi jo-Amor gi jo-Girgash

Ayub 18:16

Jarichono chalo gi yath ma tiendene otwo kendo bedene oner.

Wuok 3:8

Omiyo aselor mondo aresgi e lwet jo-Misri, kendo agolgi e pinyno mondo atergi e piny maber kendo malach. En piny momew, kendo machiek, ma koro jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus ema odakie.

Wuok 34:11

Kuom mano, rituru chike ma abiro miyou kawuono, eka abiro riembo jo-Amor gi jo-Kanaan gi jo-Hiti gi jo-Perizi gi jo-Hivi kod jo-Jebus mondo owenu thuolo.

Isaya 10:33

To neuru kaka Ruoth Nyasaye Manyalo Gik Moko Duto nego wasike mana kaka mil polo lwero yien. Onego jotelo gi joma moko duto, mana ka ng’at ma tong’o yien, mi yien maboyo podhi, kendo kata mana mago madongoe moloyo kulre piny.

Isaya 5:24

Emomiyo kaka ligek mach wang’o yugi, mi tieki, kendo kaka tiang’ wang’ mi rum e mach mager, e kaka un bende unulal nono mana ka buru, nimar usechayo chik Ruoth Nyasaye Manyalo Gik Moko Duto, kendo usedagi wach Ng’ama Ler mar Israel.

Ezekiel 17:9

“Kuom mano, koro an Ruoth Nyasaye, apenjo kama: Bende yadh mzabibuno biro betie, mi dongi? Donge ongo mokwongo cha biro dhuole gi lop tiende, mi lwar olembene piny kendo tur bedene, mi pote wang’? Pudhe oko yot, ma ok nyal dwaro oganda maduong’ kata ng’ama ratego!

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Kwan 32:13

Ruoth Nyasaye nokecho gi jo-Israel mi ne omiyo gidigni e thim kuom higni piero ang’wen-gi, nyaka tieng’ mane oketho e nyimeno otho duto.

Rapar mar Chik 1:28

Ang’o ma wabiro yudo kuno ka wadhi? To jowetewa mane waoro osenego chunywa, ka wachonwa ni ji man kuno rabede kendo boyo mohewowa! Bende ginyisowa ni mier man kuno dongo, kendo nigi ohinga maboyo mochopo e polo. To kendo nyikwa Anakim bende gineno kuno!’

Rapar mar Chik 3:11

(Og ruodh Bashan kende ema nodong’ kuom jo-Refaim. Sandug liende, molos gi kite maratenge, pod ni Raba dala jo-Amor nyaka chil kawuono. Borne chiegni romo mita abich, to lachne mita ariyo.)

Joshua 10:12

Chieng’ mane Ruoth Nyasaye ochiwoe jo-Amor e lwet jo-Israel, Joshua nowuoyo gi Ruoth Nyasaye, kowacho e nyim jo-Israel duto kama: “A wang’chieng,’ chung’ achung’a ewi Gibeon. To in due, mondo ichung’ ewi holo Aijalon.”

Joshua 3:10

Tinende unuyud ranyisi ni Nyasaye mangima ni kodu, kendo nodarnu jo-Kanaan gi jo-Hiti gi jo-Hivi gi jo-Perizi gi jo-Girgash gi jo-Amor kod jo-Jebus.