Amos 2:7 - MUMA MALER 2015

⁷ Unyono jochan piny, kendo udhiro joma odhier oko e yo. Wuowi gi wuon mare dhi ir dhako achiel ma jachode mar Hekalu, ka gidwanyogo nyinga maler.

Motingʼo Loko Manyien

⁷ Unyono jochan piny mana ka buru kendo ok ungʼad bura makare, ne joma odhier. Wuowi gi wuon mare terore gi nyako achiel kendo udwanyo Nyinga Maler.

Amos 2:7 ပူးပေါင်းရင်းမြစ်များ

2 Samuel 12:14

To kata kamano nyathi monywolni biro tho, nikech isechayo Ruoth Nyasaye.”

1 Ruodhi 21:4

Kuom mano Ahab nodok dala ka iye owang’, motamore chiemo.

Ngeche 28:21

Dok ni ng’ato kayiem ok ber. Jong’ad bura moko nyalo dok ni ng’ato mana ni mondo ocham asoya moro maonge ndhathe!

Isaya 10:1

Yaye, unune malit, un joma loso chike ma ok ni kare, kendo ma keto chike maricho mathiro ji.

Isaya 10:2

Utamo joma odhier e adiera, kendo umayo joga ma jochan gik monego giyudi, bende uyako mond liete kod nyithi kiye.

Isaya 3:14

Ee, oyalo jodong joge gi jotendgi, kowacho niya, “Useketho puotha mar mzabibu, kendo gik moko ma useyako kuom joma odhier opong’o uteu.

Isaya 3:15

Ere kaka unyalo hedhoru nyono joga kendo thiro joma odhier?” Mano en wach mar adier, ma Ruoth Nyasaye Manyalo Gik Moko Duto ema owacho.

Ezekiel 22:11

Giterore gi mond ji koda ka mond yawuotgi gi nyiminegi hie.

Ezekiel 36:20

To kamoro amora mane gidhiye, ne gikeloe wichkuot ni nyinga maler, nikech ji ne wacho niya, ‘Jogi gin jo-Ruoth Nyasaye, to ne oriembgi e piny mane omiyogi.’

Hosea 4:14

To ok nakumgi kuom timbegigo nimar un uwegi ema undhogoru gi mon ma jochode mag hekalu, kendo utimo ni Baal misengni kaachiel kodgi. To ‘Oganda mofuwo yudo masira’, mana kaka ngero wacho.

Tim jo-Lawi 18:15

Kik iterri gi chi wuodi, nikech kitimo kamano to ikuodo wiye.

Tim jo-Lawi 18:21

Kik ichiw nyathini moro ni nyasaye manono miluongo ni Molek, nikech kitimoo kamano to ikwedo nying Nyasachu. An e Ruoth Nyasaye.

Tim jo-Lawi 18:8

Kik iterri gi chi wuoru, nikech kitimo kamano to ikuodo wi wuoru.

Tim jo-Lawi 20:3

kendo an awuon nabed jasike, mi nang’ad kare oko kuom ogandagi, nikech osechiwo nyathine ni Molek, kodwanyogo Kama Ler mara, kendo kochayo nyinga maler.

Amos 4:1

“Winjuru, un mond Samaria machwe ka dhok makwayo e lege momew. Uthago joma onge teko, kendo usando joma odhier, bende ng’ato ka ng’ato kuomu rungo chwore, ka wacho niya, ‘Kelna gima anyalo madho!’

Amos 5:11

Usethiro joma odhier, kendo usekawo chambgi moko kaka osuru. Kuom mano ok unudag e udi mabeyo mag kite musegero, bende ok unumadh divai kuom mzabibu mabeyo musepidho,

Amos 5:12

nimar ang’eyo kaka kethou ng’eny, kendo ang’eyo kaka richou okadho akwana. Un usando joma onge gi ketho, kendo uchamo asoya, bende utamo joma odhier yudo bura makare.

Amos 8:4

Winjuru un joma nyono jochan, kendo temo manyo joma odhier.

Mika 2:2

Ka gidwaro lop ng’ato, to gikawo akawa gi thwon. To kata ka gidwaro udi, to mago bende gikawo akawa. Gimayo ji kata mana utegi kaachiel gi mwandugi, mi giwegi nono.

Mika 2:9

Uriembo mond joga e mier ma gihero, kendo gueth moa kuoma usemayo nyithindgi nyaka chieng’.

Zefania 3:3

Jotende ne chalo gi sibuoche ma ruto e iye, kendo ruodhi mage ne chalo gi ondiegi mawuotho gotieno, ma ok we piny ru ni gimoro ka pok gitieko,

Jo-Rumi 2:24

mana kaka Muma wacho niya, “Un jo-Yahudi ema umiyo joma ok jo-Yahudi tugo gi nying Nyasaye”?

1 Jo-Korintho 5:1

Wachore malong’o ni wach terruok nie kindu, kendo en kit terruok ma ok nwang’ kata mana e kind joma ok oyie kuom Nyasaye, nikech ng’ato terore gi chi wuon!