Amos 2:6 - MUMA MALER 2015

⁶ Ruoth Nyasaye owacho niya, “Un jo-Israel usetimo richo mang’eny, omiyo abiro kumou mak orem, nimar ung’iewo joma onge gi ketho, nikech pok gichulo gopegi. Joma odhier ma ok nyal chulo kata mana nengo patpat bende ung’iewo ka wasumbni.

Motingʼo Loko Manyien

⁶ Jehova Nyasaye wacho niya, “Nikech richo adek ma jo-Israel osetimo, kata richo angʼwen, omiyo ok abi weyo ma ok akumogi. Nikech ungʼiewo joma kare gi fedha, to joma odhier ma ok nyal chudo, to ungʼiewo gi pat pat.

Amos 2:6 ပူးပေါင်းရင်းမြစ်များ

2 Ruodhi 18:11

Ruodh Asuria nodaro jo-Israel, motero nyaka Asuria, mi noketo moko kuomgi mondo odag Hela but aora Habor man Gozan, to moko noketo e miech jo-Media.

2 Ruodhi 18:12

Wachno notimore nikech ne ok girito chik Ruoth Nyasaye ma Nyasachgi, to ne giketho singruok mane gitimo kodgi. Ne ok gimako weche duto mane Musa jatich Ruoth Nyasaye ochikogi, kata dewogi bende ne ok gidewo.

Isaya 10:2

Utamo joma odhier e adiera, kendo umayo joga ma jochan gik monego giyudi, bende uyako mond liete kod nyithi kiye.

Isaya 29:21

Gin jogo ma ketho nying ji, kendo ma buto mondo ohiny jong’ad bura, bende gimiyo buch ng’at makare iketho kayiem nono.

Ezekiel 22:13

“Abiro tero lweta, mi akumu kuom mecho musemechogo kod chuero remo ma usechuero.

Joel 3:3

Ne gigoyo ombulu mondo gipoggo joga, kendo ne giuso yawuowi gi nyiri obed wasumbni, mondo pesa ma giyudo gichodgo, kendo gimadhgo kong’o.

Joel 3:6

Bende usekawo jo-Juda gi jo-Jerusalem, mutero mabor gi pinygi, kendo ung’iewogi gi jo-Yunani.

Zekaria 11:5

nikech jokwadhgi giwegi ok dewgi. Joma ng’iewogi bende negogi, to ok yud kum. Giloko ringgi pesa, kendo giwacho niya, ‘Opak Ruoth, nikech waseyudo mwandu!’ ”