Amos 2:4 - MUMA MALER 2015

⁴ Ruoth Nyasaye owacho niya, “Jo-Juda osetimo richo mang’eny, omiyo abiro kumogi mak orem, nikech gisechayo puonjna, kendo gisedagi rito chikena. Nyiseche manono mane kweregi lamo osemiyo gibaro, mi giweya.

Motingʼo Loko Manyien

⁴ Jehova Nyasaye wacho niya, “Nikech richo adek ma jo-Juda osetimo, kata richo angʼwen, omiyo ok abi weyo ma ok akumogi. Nikech gisetamore rito chike Jehova Nyasaye kod buchene, kendo osewuondgi mi gisebaro giluwo bangʼ nyiseche manono mag kweregi,

Amos 2:4 ပူးပေါင်းရင်းမြစ်များ

2 Ruodhi 17:19

Jo-Juda bende ne ok orito chik Ruoth Nyasaye ma Nyasachgi, to ne giluwo mana timbe mane jo-Israel ochako timo.

2 Weche mag Ndalo 25:14

Kane Amazia oa nego jo-Edom, nobiro gi nyiseche jo-Seir, moketogi ka nyisechene, kolamogi kendo owang’onigi ubani.

2 Weche mag Ndalo 30:7

Kik uchal gi kwereu kod oweteu mane oweyo ruoth Nyasaye ma Nyasach kweregi, momiyo noweyogi ma gikethore chuth kaka uneno.

Nehemia 1:7

Wasekethoni adier, kendo ok waserito chike duto mane imiyo Musa jatichni.

Nehemia 9:26

“To kata kamano ne wigi tek, mi ging’anyoni. Ne gilokore ni giweyo chikni, kendo ne ginego jonabi magi ma noyudo siemogi mondo giduog iri. Ne gichayi ahinya,

Isaya 28:15

Uwacho niya, “Wasetimo winjruok gi tho. Adier, wasetimo singruok gi Piny Joma Otho. Omiyo ka ohula miwachono biro, to ok obi ywoyowa, nikech waseloso miriambo ka kar konyruokwa, kendo wuondruok e okumba ma wageng’orego.”

Isaya 44:20

Ng’at ma kamano chamo mana buch kendo! Parone mofuwo osewuonde, mowite. Omiyo oonge gi rieko monyalo parogo ni gima oting’o e lweteno ok en gima adier.

Jeremia 16:11

To dwokgi ni Ruoth Nyasaye owacho kama: ‘Kwereu noweya, mi otiyo ni nyiseche mamoko kendo olamo. Ne giweya kendo ne ok giwinjo chikena.

Jeremia 16:12

Koro un to usetimo gik maricho moloyo kata mane kwereu otimo. Un duto un joma richo ma wigi tek, ma ok nyal luora.

Jeremia 17:27

To ka ok giluora, mi gitamore rito chieng’ Sabato obed maler, kendo giting’o misigo moro amora ka gikadho e dhorangeye mag Jerusalem chieng’no, to anamok mach e dhorangeye mag Jerusalem, mi majno nowang’ ut ruodhi mag Jerusalem, kendo onge ng’ama nonege.”

Jeremia 6:19

Un jo-piny, winjuru! Akelo masira kuom jogi mana moromo gi timbegi, nikech gisedagi wechena, kendo ok giserito puonjna.

Jeremia 8:2

Chokego nowit oko mondo chieng’ gi due kod sulue, mane gihero kendo gilamo, orieny kuomgi. Kar chokogi mondo oyikgi, to nowegi aweya gitow ewi lowo.

Jeremia 8:9

Jorieko wigi okuot. Wach ogoyogi nyang’eng’o kendo dhogi omoko. Gisedagi wechena, koro ere rieko ma gin-go?

Jeremia 9:14

Gisebedo mana ka wigi tek, ka gitimo dwarogi giwegi, kendo giselamo kido manono mag Baal, kaka ne kweregi opuonjogi.

Ezekiel 13:22

“Unyoso chuny joma kare gi miriambo, to an ok adwar mondo unyos chunygi. Bende ujiwo chuny joma timbegi mono, mi gidagi weyo timbegi mamonogo, mondo gires ngimagi.

Ezekiel 20:13

To ne gipiem apiema koda, kata mana e thim, ka giketho buchena, kendo gidagi chikena, ma ka ng’ato orito, to yudo ngima. Bende ne giketho ndalo mag Sabatona chuth. Mano ema omiyo ne achano mondo atiekgi gi mirimba mager e thim kuno.

Ezekiel 20:16

Ne akuong’ora kamano nikech ne gidagi rito chikena, kendo ne giketho buchena. Ndalo mag Sabato bende ne ok girito, nikech ne gihero mana lamo nyisechegi manono.

Ezekiel 20:18

Bende ne akwero nyithindgi kuno niya, ‘Kik urit chike mane kwereu oketo, kendo kik uluw puonjgi, kata kik udwanyru kuom lamo nyisechegi manono.

Ezekiel 20:24

Ne akuong’ora kamano nikech ne gisedagi chikena kendo ne giketho buchena, mi ne ok girito ndalo mag Sabatona, bende ne gilamo nyiseche manono mag kweregi.

Ezekiel 20:30

Koro nyis jo-Israael ni an Ruoth Nyasaye awacho kama: Ere gima omiyo udhogoru gi nyiseche manono mana kaka kwereu notimo?

Ezekiel 22:28

Jonabi to umo richogo mana ka joma mwono kor ot gi buru. Gineno fweny mag miriambo, kendo gikoro weche ma ok adier. Giwacho ni wechego gin mag Ruoth Nyasaye, to an Ruoth Nyasaye pok awuoyo kodgi.

Ezekiel 22:8

Ok uluoro kuonde mowalna, bende ok urit Sabatona.

Hosea 12:2

Ruoth Nyasaye dwaro yalo jo-Juda, bende obiro kumo jo-Israel maromre gi timbegi maricho.

Hosea 12:3

Jakobo kwargi nowuondo owadgi ka pod gin ei min-gi, kendo kane osedongo, ne oi gi Nyasaye.

Hosea 6:11

To un jo-Juda aseketo kinde ma abiro kumoue kuom gik ma utimo.”

Amos 1:3

Ruoth Nyasaye nowacho niya, “Jo-Damaski osetimo richo mang’eny, omiyo abiro kumogi mak orem, nikech gisesando jo-Gilead gi sand malit, ka giywayo kuomgi bepe mogurie musmande mabitho midinogo cham.

Amos 3:2

kendo un ema aseng’eyou kendo ritou kuom ogendini duto manie piny. Kuom mano abiro kumou kuom richou duto.

Mika 6:12

Joma jomoko manie dalani mayo joma odhier. Gin jomriambo mosiko ka hango wach ahanga.

Habakuk 2:18

Ere ohala muyudo kuom lamo nyiseche manono ma lwet dhano ema oloso? Gin mana kido mamiyo ji lal. Ere ohala ma ng’at molosogi yudo kuomgi? Chutho oloso mana nyiseche manono ma ok nyal wuoyo!

Jo-Rumi 1:25

Ne giloko adiera mar Nyasaye odoko miriambo, kendo kar lamo Jachuech ma owinjore yud pak nyaka chieng’ to ne gilamo mana gik mochue, kendo gimiyo duong’.

1 Jo-Thesalonika 4:8

Emomiyo ng’at modagi puonjni ok odagi winjo dhano, to odagi winjo mana Nyasaye, mamiyou Roho mare Maler.

1 Petro 1:18

Ung’eyo ni kane owaru kuom timbeu manono mane uyudo kuom kwereu, to ne ok owaru gi gik matow kaka fedha kata dhahabu,

Jong’ad Bura 10:6

Timbe jo-Israel nochako odoko maricho e nyim Ruoth Nyasaye. Ne gitiyo ni nyiseche manono kaka Baal gi Ashtaroth gi nyiseche mag jo-Aram gi mag jo-Sidon gi mag jo-Moab gi mag jo-Amon kod mag jo-Filistia. Ne giweyo Ruoth Nyasaye, mi ok gilame.