Amos 2:15 - MUMA MALER 2015

¹⁵ Jo-Asere noringi, kendo jong’wech matek ok noresre. Bende joma oidho farese ok notony.

Motingʼo Loko Manyien

¹⁵ Kata jadir asere ok noyud thuolo mar ringo, kendo jangʼwech ma jalweny ok noresre, kaachiel gi jalweny moidho faras bende ok notony.

Amos 2:15 ပူးပေါင်းရင်းမြစ်များ

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Isaya 31:3

Jo-Misri gin mana ji, to ok gin Nyasaye, bende faresegi gin mana ring’o to ok gin roho. Omiyo ka Ruoth Nyasaye orieyo bade mondo okumgi, to joma ikonyo kaachiel gi joma konyogi, nopodh piny, mi gilal nono giduto.

Jeremia 51:56

Gisebiro mondo giketh Babulon kendo gisemako jolweny mage, mi gituro gigi mag lweny. An Ruoth Nyasaye, an e Nyasaye ma kumo ji kuom richogi, omiyo abiro kumo Babulon mana marom gi timbene.

Ezekiel 39:3

Eka anago atung’i e badi ma koracham, kod aserni e badi korachwich, mi lwar piny.

Amos 9:1

Ne aneno Ruoth Nyasaye kochung’ e bath kendo mar misango, kowacho niya, “Tuom sirni mag hekalu, mondo agola duto oyiengni. Mukgi mondo gilwar ewi ji, to ji duto modong’ anami otho e lweny. Onge ng’at ma noringi, kata ma notony.

Hagai 2:22

Analok loch ruodhi, mi aketh teko mag pinje mamoko, kendo anago geche mag lweny piny, kaachiel gi joithgi. Ng’ato ka ng’ato noked gi wadgi, mi farese kod joma idhogi nonegi.

Zekaria 10:5

Ginibed ka jolweny marateke ma nyono wasikgi ka chuodho, kendo ginikedi nikech an Ruoth Nyasaye an kodgi, bende ginilo kata mana joidh farese, mi gikuod wigi.