Amos 2:14 - MUMA MALER 2015

¹⁴ Jong’uech matek ok notony, kendo joma rateke nobed mool, bende kata mana jolweny mager ok nores ngimagi.

Motingʼo Loko Manyien

¹⁴ Joma ongʼeyo ngʼwech sani koro ok bi tony, joma rateke abiro keto bedo mool, bende nyaka jalweny manenore ni ger ok bi konyo ngimane.

Amos 2:14 ပူးပေါင်းရင်းမြစ်များ

Ayub 11:20

To joma timbegi richo norang koni gi koni, ka luoro omako, nikech onge yo moro ma ginyalo tonygo, to tho kende ema ginigen ni biro tiekogi.”

Zaburi 33:16

Oganda lweny maduong’ ok ema mi ruoth lo lweny. Jalweny bende ok nyal tony e kedo mana nikech tekre owuon.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Jeremia 25:35

Ok nobedie yo moro ma jotelo nyalo tonygo.

Jeremia 39:4

Kane Zedekia ruodh Juda gi jolwenje oneno gima osetimore, ne gipondo gotieno mi gia e dala. Ne giwuok ka ging’ado orundu ruoth, mi gikadho e dhorangach mane ni e kind ohingni ariyo, ka gichiko Paw Jordan.

Jeremia 9:23

“Ji mariek kik sungre nikech riekogi, joma rateke bende kik sungre nikech tekogi, kata joma omew kik sungre nikech mwandugi.

Amos 5:9

En ema omiyo sulue wuok kendo podho, kaluwore, chakre Oluoro Budho nyaka Ratego.