Amos 2:13 - MUMA MALER 2015

¹³ Koro abiro diyou piny kama untie, mana kaka gari mopong’ gi cham sikore e lowo.

Motingʼo Loko Manyien

¹³ “Sani koro abiro diyou piny kama untie, mana ka cham mopongʼo gari mayiecho gari.

Amos 2:13 ပူးပေါင်းရင်းမြစ်များ

Chakruok 37:7

Naleko ni wan e puodho waduto kwatueyo ngano, mi wich mane atueyo noa malo mochung’ tir. Eka wiyeu nolworo wiyano mokulorene.”

Ayub 39:12

Iparo ni onyalo keyoni, mi ochok cham okel dala?

Zaburi 78:40

Ne gipiem kode e thim ndalo mang’eny, kendo ne gimiye mirima ndalo mathoth!.

Isaya 1:14

Ok ayie kodgi! Giwang’o iya, kendo ok adwar nenogi chuth!

Isaya 43:24

Ne ok ung’iewona niang’ gi pesau, kata dhila gi boche mag misengniu, ne ok udhila. To ne utura mana gi richou, kendo ne uola mana gi timbeu mamono.

Isaya 7:13

Bang’e Isaya nowacho niya, “Un joka Daudi, chikuru itu. Olo chuny ji ma uolo pok oromou koso, ma pod udwaroe mana olo Nyasacha bendeni?

Ezekiel 16:43

Wiyi ne owil gi rit mane aritigo kapod itin, mi iwang’o iya gi gik moko duto mane itimo. Mano emomiyo anakumi moromo gi timbeni duto, nimar ne imedo timbe mag dwanyruok kuom timbe duto makuero ma isetimo! An Ruoth Nyasaye ema awacho kamano.”

Ezekiel 6:9

To ginipara kuonde motergie e tuechgo mi ging’e ni ne asekumogi mana ni mondo wigi okuodi, nikech chunygi marach oseweya, mi gihero nyiseche manono moloya. Ginichare kendgi nikech timbe maricho kendo makuodo wich ma gisetimo.

Malaki 2:17

Wecheu osemiyo Ruoth Nyasaye ool. To kupenjo ni ere kaka usemiyo ool, to odwokou niya, “Umiyo aol kuwacho ni Ruoth Nyasaye kwano joma richo ka joma beyo, kendo oherogi. Bende usemiyo aol kupenjo ni, ‘Ere Nyasachwa ma ng’ado bura kare?’ ”

Kwan 7:3

Chiwo mane gikelo e nyim Ruoth Nyasaye e magi: Geche auchiel moum wigi, kaachiel gi ruedhi apar gariyo. Ruodhi ariyo ariyo nochiwo gari achiel achiel, kendo ruoth ka ruoth nochiwo rwath achiel. Kane gikelo gigo e nyim Hema Maler, Ruoth Nyasaye nowacho ni Musa niya,