Amos 2:10 - MUMA MALER 2015

¹⁰ Ruoth Nyasaye nochako owacho niya, “An ema nagolou e piny Misri, mi atelonu e thim kuom higni piero ang’wen, kendo namiyou piny jo-Amor mondo obed maru.

Motingʼo Loko Manyien

¹⁰ Ne agolou e piny Misri, mi atelonu higni piero angʼwen e thim, ni mondo amiu piny jo-Amor.

Amos 2:10 ပူးပေါင်းရင်းမြစ်များ

Nehemia 9:21

Niritogi e thim kuom higni piero ang’wen, kendo onge gima ne gichando. Lepgi bende ne ok oti, kendo tiendegi ne ok okuot.

Zaburi 95:10

Ne asin kodgi kuom higni piero ang’wen, mi awacho niya, ‘Gitamore winjo chikena, kendo ok ging’eyo yorena.’

Wuok 12:51

mi chieng’onogo, ema nogoloe jo-Israel e piny Misri, kochan gi e ogendgi.

Wuok 20:2

“An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Wuok 3:8

Omiyo aselor mondo aresgi e lwet jo-Misri, kendo agolgi e pinyno mondo atergi e piny maber kendo malach. En piny momew, kendo machiek, ma koro jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus ema odakie.

Jeremia 2:6

Ne ok gidewa, kata obedo ni ne aseresogi kagologi e piny Misri, mi atelonigi e thim, piny marach motwo ma masiche ng’enyie. Pinyno otimo gode gi bugni, ma onge ng’ama wuothoe, bende onge ng’ama odakie.

Ezekiel 20:10

“Kamano ne agologi Misri, mi aterogi e thim.

Amos 3:1

Ruoth Nyasaye owacho niya, “Un jo-Israel winjuru gima awacho kuomu. Ne agolo dhoutu duto e piny Misri,

Amos 9:7

Ruoth Nyasaye wacho niya, “Un jo-Israel, gima atimonu chalo mana gi gima atimo ni jo-Ethiopia. Bende nagolo jo-Filistia e piny Kaftor, kendo nagolo jo-Aram e piny Kir, mana kaka un bende nagolou e piny Misri.

Mika 6:4

Nene agolou e piny Misri, kendo aresou e tich bedo wasumbni, Ne aoro Musa gi Arun kod Miriam mondo otelnu.

Kwan 13:32

Kuom mano weche mane giwacho ni jo-Israel kuom piny mane gia chengono nonyoso chuny ji, nikech ne giwacho niya, “Piny ma nyocha wadhi chengono en piny manyalo mwonyo ng’ato ang’ata modhi dakie. Bende ji duto ma waneno kuno gin joma rabede.

Kwan 21:25

Kuom mano jo-Israel nokawo miech jo-Amorgo duto, modakie. Miego ne gin Heshbon kod mier matindo mage.

Kwan 32:13

Ruoth Nyasaye nokecho gi jo-Israel mi ne omiyo gidigni e thim kuom higni piero ang’wen-gi, nyaka tieng’ mane oketho e nyimeno otho duto.

Tich Joote 13:18

kendo nokurogi e thim kuom higni ma dirom piero ang’wen.

Tich Joote 7:42

To Nyasaye nojwang’ogi, moweyogi mondo gilam sulue mae polo, kaka ondiki e kitap jonabi ni, ‘Apenjou, un jo-Israel, bende an ema nukelona chiwo, kendo utimona misengni kuom higni piero ang’wen mane utieko e thimgo duto?

Rapar mar Chik 1:39

Nyithindu ma pod tindo mane uparo ni nobed joma nomak e lweny, kendo mapok ong’eyo pogo ber gi rach ema nodonj e pinyno. Gin ema namigi pinyno, kendo ginidagie.

Rapar mar Chik 2:7

nimar Ruoth Nyasaye ma Nyasachu oseguedhou kuom gik moko duto ma usetimo. Oseritou ka uwuotho e thim malichni. Kuom higni piero ang’wen-gi duto Ruoth Nyasaye ma Nyasachu osebedo kodu, kendo onge gima usechando.” ’

Joshua 13:4

yo milambo, gi piny jo-Kanaan duto, chakre Meara e piny jo-Sidon nyaka Afek gi mbap jo-Amor,

Joshua 24:8

nyaka nakelou e piny jo-Amor ma nodak yo wuok chieng’ mar aora Jordan. Ne gikedo kodu to naloyogi, maketogi e lwetu, mi ukawo pinygi.