Amos 1:8 - MUMA MALER 2015

⁸ kendo abiro riembo jodong mier mag Ashdod gi Ashkelon. Anakum dala mar Ekron, kendo jo-Filistia duto modong’ notho.” Mano e wach Ruoth Nyasaye.

Motingʼo Loko Manyien

⁸ Abiro riembo ruodh Ashdod kaachiel gi ngʼat motingʼo ludh Jehova Nyasaye man Ashkelon. Abiro kumo dala mar Ekron, kendo abiro nego jo-Filistia duto modongʼ,” Jehova Nyasaye Manyalo Gik Moko Duto owacho.

Amos 1:8 ပူးပေါင်းရင်းမြစ်များ

2 Weche mag Ndalo 26:6

Uzia nodhi kedo gi jo-Filistia, momuko ohinga mar Gath gi mar Jabne kod mar Ashdod. Nogero mier e gweng’ Ashdod kod kuonde moko e piny Filistia.

Zaburi 81:14

Ka gitimo kamano, to da alonigi wasikgi piyopiyo, mi akum joma sandogi.

Isaya 1:25

“Anachak asandu mi apuodh richou duto mana ka ng’ama lenyo fedha mondo chuoth nyinyo owuogi.

Isaya 20:1

Sargon ruodh Asuria ne ooro jatend lweny mare Ashdod, mi okawo dalano bang’ lweny mager.

Jeremia 47:1

Kane pok Farao omonjo Gaza, Ruoth Nyasaye nowuoyo gi Jeremia kuom jo-Filistia niya,

Ezekiel 25:16

Kuom mano, awacho ni abiro monjo jo-Filistia, mi aywegi oko pep.

Joel 3:4

“Un jo-Turo gi jo-Sidon kod jo-Filistia duto, ang’o mutimonani? Udwaro chulona kuor koso? Ka kamano, to kuor mudwaro chulono abiro dwoko e wiu uwegi ka diemo wang’.

Amos 1:7

Kuom mano abiro oro mach e ohinga mar Gaza mondo owang’ kuonde mochiel motegno mag dalano,

Amos 3:9

Gouru milome e ut ruodhi mag Ashdod gi mag Misri, kuwacho niya, “Chokreuru kanyakla e gode moluoro Samaria, mondo uneye timbe pogruok matimore e dalano, kendo kaka ithiro ji kuno.”

Obadia 1:18

Joka Jakobo gi joka Josef nochal mach, mi ginitiek joka Esau manaa kaka mach wang’o tiang’ mi tieki. Onge nyakwar Esau moro ma nodong’ kangima. An Ruoth Nyasaye ema asewacho kamano.”

Zekaria 13:7

Ruoth Nyasaye Manyalo Gik Moko Duto owacho niya, “In ligangla, a malo mondo ichadh jakwadha! Ee, chadh ng’at matiyona. Chutho, neg jakwath mondo rombe oke, nimar abiro kumo joga moyomno.”

Zekaria 9:5

Ka dala Ashkelon oneno kamano, to biro bedo maluor. Gaza bende kihondko biro mako, mi geno mane Ekron nigo rum. Ruodhi mag Gaza biro lal nono, bende Ashkelon nodong’ nono maonge ji modakie,

Zekaria 9:6

kendo ji ma anywola ema nobed kodak Ashdod. Ruoth Nyasaye wacho niya, “Anaketh sunga ma jo-Filistia sungorego,

1 Samuel 6:17

Buche molos gi dhahabu mane jo-Filistia ochiwo ni Ruoth Nyasaye ka mich mar pwodho richo ne mag Ashdod gi Gaza gi Ashkelon gi Gath kod Ekron, ka bur ka bur ochung’ ni dala ka dala.