Amos 1:5 - MUMA MALER 2015

⁵ Abiro turo lodi mag dhoranga Damaski, mi ariemb jodong holo Aven kod Beth-eden. Jo-Aram ibi dar mi ter mabor e tuech e piny Kir.”

Motingʼo Loko Manyien

⁵ Abiro muko dhoranga Damaski, kendo abiro riembo joma odak e Holo mar Aven, kaachiel gi ngʼat motingʼo ludh Jehova Nyasaye man Beth Eden. Jo-Aram ibiro dar miter mabor e twech e piny Kir,” Jehova Nyasaye owacho.

Amos 1:5 ပူးပေါင်းရင်းမြစ်များ

2 Ruodhi 14:28

Koro weche moko mag Jeroboam, gi timbene duto, kod chir mane okedogo gi jo-Damaski, kendo kaka nohoyo Ruoth Nyasaye ni kik to mirimbe kuom jo-Israel, ondik e Kitap Weche mag Ndalo mag Ruodhi mag Israel.

2 Ruodhi 16:9

Ruodh Asuria noyie gi wechene, modhi omonjo Damaski, mokawo. Nodaro joma odakie, motero e tuech Kir. Rezin bende nonego.

Isaya 22:6

Jo-Elam biro kawo aserni maggi, kendo jo-Aram biro tueyo farese e gechegi mag lweny. Jo-Kir bende nokaw kuodigi.

Isaya 43:14

Ruoth Nyasaye ma jaresu kendo ma Ng’ama Ler mar Israel wacho kama: “Aseoro oganda lweny mondo omonj Babulon nikech un, kendo abiro miyo jo-Babulon podh piny auma ka giringo, mi koko mar mor ma gigoyo lokre ywak.

Isaya 8:4

nimar kapok ong’eyo wacho ni ‘Baba’, kata ni ‘Mama,’ to ruodh Asuria nomonj Damaski kod Samaria, mi yak mwandugi duto.”

Jeremia 50:36

Tho ochopo kuom jonabi mage ma jomriambo. Gin joma ofuwo manade! Tho ochopo kuom jolwenje, mi luoro omakogi.

Jeremia 51:30

Jolweny mag Babulon oringo lweny, mopondo mana kuonde mochiel motegno. Luoro omakogi, mi koro gichalo mana mon. Dhorangeye dala osemuki, mowang’ udi gi mach.

Ywagruok 2:9

Dhorangeyene bende osepodho piny, kendo Ruoth Nyasaye oseturo lodi mage matindotindo. Ruodh Sayun kod jodonge oke e kind ogendini mamoko, kendo chik Nyasaye koro ok ti. Jonabi mage bende koro ok yud fweny moa kuom Ruoth Nyasaye.

Ezekiel 27:23

Joma ne odak e mier ma Haran gi Keneh gi Eden gi Ashur kod Kilmad, kaachiel gi joohala mag Sheba, duto ne joloko ohala kodi.

Ezekiel 30:17

Yawuowi manie mier mag Hieropolis kod Bubastis notho e lwenjno, to ji mamoko duto nomaki mi ter e tuech.

Hosea 10:8

Kuonde moting’ore ma jo-Israel timoe richo ka gilamo nyisechegi manono ibiro ketho. Kuthe gi buya ema biro twi ewi kendegi mag misango. Ji nowach ni gode niya, “Umwauru!” Kendo giniwach ni pidhe ni, “Ruombreuru kuomwa!”

Amos 5:5

“Kudwaro bedo mangima, to duoguru ira. To kik udhi Bethel, kata kik udhi Gilgal, bende kik ukadh nyaka Beer-sheba, nimar jo-Gilgal ibiro daro mi ter e tuech, kendo Bethel biro lal nono.”

Amos 9:7

Ruoth Nyasaye wacho niya, “Un jo-Israel, gima atimonu chalo mana gi gima atimo ni jo-Ethiopia. Bende nagolo jo-Filistia e piny Kaftor, kendo nagolo jo-Aram e piny Kir, mana kaka un bende nagolou e piny Misri.

Nahum 3:13

Jolwenji nodok manyap ka mon. Dhorangeye mag pinyi noyawre malach ni wasigu, kendo mach nowang’gi pep.