Amos 1:2 - MUMA MALER 2015

² Nowacho niya, “Ruoth Nyasaye ruto Sayun! Ee, dwonde mor Jerusalem! Kuom mano lege jamni two, kendo wi got Karmel mang’ich ner.”

Motingʼo Loko Manyien

² Nowacho niya, “Jehova Nyasaye ruto koa Sayun, kendo dwonde mor koa Jerusalem; lege ma jokwath kwayoe two, kendo wi got Karmel mosebedo ka ngʼich koro ner.”

Amos 1:2 ပူးပေါင်းရင်းမြစ်များ

Zaburi 29:4

Ji winjo dwond Ruoth Nyasaye ka wuo gi tekone kod duong’ne!

Zaburi 46:6

Ogendini luor, kendo pinje yiengni, to piny bende leny ka Nyasaye rogo matek.

Ngeche 20:2

Ka ruoth okecho, to nyaka iluore, mana kaka iluoro sibuor karuto, nikech kimedo wang’o iye, to ichalo mana gi ng’ama dere.

Isaya 33:9

Piny ywak, kendo dok chien. Lebanon two, kendo kethore. Sharon bende olokore thim, kendo Bashan gi Karmel oyaki modong’ nono.

Isaya 35:2

Ee, ginithiew mang’eny, kendo piny nopong’ gi wende mor. Kuonde ma yande otwo nobed mang’ich mana ka gode mag Lebanon, kata ka lege mabeyo mag Sharon kod mag got Karmel, kendo jo-Israel none duong’ maler mar Ruoth Nyasachgi.

Isaya 42:13

Ruoth Nyasaye biro wuok oko ka thwon maratego. Enobed gi mirima mager mana ka jalweny, kendo enokogi ka ogoyo sigich lweny, mi olo wasike.

Jeremia 12:4

Nyaka karang’o ma pinywa biro bedo motwo, kendo lum manie lege biro wang’ie? Le gi winy tho, nikech timbe maricho mag joma odak e pinyni, mawacho ni ok ine gik maricho ma gitimo.”

Jeremia 14:2

“Jo-Juda ywak kendo miechgi kethore. Jogi oriere piny kokuyo, kendo jo-Jerusalem ywak mondo okonygi.

Jeremia 25:30

“To in Jeremia, nyaka ihul weche duto ma asewacho, kinyiso ji niya, ‘Ruoth Nyasaye ruto gie polo. Ee, owuoyo gie polo malo. Oruto korogo joge, kendo okok ka ng’ama biyo mzabibu, kendo ji duto modak e piny winje.

Jeremia 28:8

Jonabi machon mane okwongonwa ne koro wach ni lweny gi kech kod tuo biro biro kuom ogendini mang’eny gi pinje marateke.

Jeremia 50:19

Abiro dwoko jo-Israel e pinygi, mi ginichal rombe ma kwayo e lek maber, ka gichamo cham manyak e got Karmel kendo e piny Bashan, kendo ka gichamo gik manyak e piny Efraim gi piny Gilead, mi giyieng’.

Hosea 11:10

Abiro ruto ni wasik jo-Israel ka sibuor, mi joga biro biro ira. Gibiro ringo ira ka gia yo podho chieng’.

Hosea 13:8

Abiro monjou mana ka ondiek ma osema nyithinde, kendo abiro yiechou tiarara. Ee, abiro kidhou ka diemo wang’, mana ka sibuor, mi ang’inyu matindo tindo ka ondiek.

Joel 1:19

Aywakni, A Ruoth Nyasaye, nikech legewa gi yiendwa otwo pep, mana ka gima mach owang’o.

Joel 2:11

Ruoth Nyasaye ruto e nyim ogandane mar lwenyno. Joge mag lweny ng’eny, kendo rateke. Ndalo Ruoth Nyasaye lich manade! Ere ng’ama nyalo siro chieng’no?

Joel 3:16

Dwond Ruoth Nyasaye mor gi ewi got Sayun. Ee, omor Jerusalem, kendo polo gi piny yiengni. To Ruoth Nyasaye nores joge Israel, kobedonigi kama ginyalo geng’oree.

Amos 9:3

Ka gipondo ewi got Karmel, to nadwargi nyaka amakgi. Ka gipondona e bwo pi matut, to anachik thuol mondo okagi kuro.

Nahum 1:4

Kogolo chik, to nembe gi aore duono, mi lokre lowo motwo. Lege mabeyo mag Bashan gi Karmel two, kendo bunge mang’ich man Lebanon wang’.

1 Samuel 25:2

Ne nitie ng’at moro ma japith ahinya ma nodak Karmel e piny Maon. Ne en gi rombe alufu adek, kod diek alufu achiel. Noyudo ong’ado yie rombe Karmel.