Amos 1:11 - MUMA MALER 2015

¹¹ Ruoth Nyasaye owacho niya, “Jo-Edom osetimo richo mang’eny, omiyo abiro kumogi mak orem, nikech ne gimonjo jowetegi ma jo-Israel, mi ginego malit, kendo ne ok gigeng’o mirimbgi, to ne gisiko ka gimako kodgi sadha marach.

Motingʼo Loko Manyien

¹¹ Jehova Nyasaye wacho niya, “Nikech richo adek ma jo-Edom osetimo, kata richo angʼwen, omiyo ok abi weyo ma ok akumogi. Nikech nolawo owadgi gi ligangla ka oonge gi ngʼwono, kendo ne osiko mana ka omako kode sadha,

Amos 1:11 ပူးပေါင်းရင်းမြစ်များ

2 Weche mag Ndalo 20:10

Kane jo-Israel oa e piny Misri, ne ikwerogi ni kik gimonj jo-Amon gi jo-Moab gi jo-got Seir, omiyo ne giweyogi ma ok gitiekogi.

2 Weche mag Ndalo 20:11

To kar goyonwa erokamano, to koro gidwaro riembowa e piny mane imiyowa mondo obed marwa.

2 Weche mag Ndalo 28:17

nikech jo-Edom noseduogo momonjo jo-Juda, mi oloyo, kendo omako ji mang’eny.

Zaburi 137:7

A Ruoth Nyasaye, parie gima ne jo-Edom otimo, chieng’ mane okaw Jerusalem! Adier, ne gisiko giwacho niya, “Mukeuru mondo oruombre piny!”

Zaburi 85:5

Ibiro kecho kodwa nyaka chieng’ koso? Koso mirimbi biro siko nyaka karang’o?

Eklesiastes 7:9

Kik iyi wang’ piyo, kendo kik ibed gi sadha e chunyi, nikech joma ofuwo ema timo kamano.

Isaya 57:16

Ok anabed kadhaw ndalo duto, bende ok anabed kakecho nyaka chieng’, nimar ka da bed ni atimo kamano, to ji duto mane achueyo ditho.

Hosea 8:3

to gisedagi gima ber, mano omiyo wasikgi biro lawogi.

Joel 3:19

Piny Misri biro lokore thim, kendo piny Edom nolokre thim modong’ nono, nikech jopinjego nomonjo piny Juda, mochuero remb joma onge gi ketho.

Mika 7:18

A Ruoth Nyasaye, onge Nyasaye moro maromo kodi. Iweyo ni jogi iwuon modong’ richogi, kendo ok ikechi nyaka chieng’, to iherowa gi hera mosiko.

Zekaria 1:15

Akecho ahinya gi ogendini ma neno maber, nikech kane pok mirima omaka ahinya gi joga to ne gisandogi moloyo kaka owinjore.

Malaki 1:2

Ruoth Nyasaye owacho niya, “Aherou.” To usedwoke kupenje ni, “Ere kaka iherowa?” To Ruoth Nyasaye odwoko ni, “Donge Esau gi Jakobo ne gin owete? Kata kamano ahero Jakobo gi nyikwaye.

Malaki 1:4

Ka nyikwa Esau ma jo-Edom owacho ni kata obedo ni miechgi osekethi kamano, to gibiro gerogi kendo, to Ruoth Nyasaye Manyalo Gik Moko Duto dwoko niya, “We mondo gigergi, to abiro kethogi kendo, mi ji noluong jogo ni oganda mar kethruok ma Ruoth Nyasaye okechogo nyaka chieng’.

Jo-Efeso 5:1

Kaka un nyithind Nyasaye mohero, nyaka utem mondo ubed machal kode.

Rapar mar Chik 23:7

“To kik ukaw jo-Edom ka joma okwedi, nikech gin joweteu, bende kik ukaw jo-Misri ka joma okwedi nikech ne udak e pinygi ndalo moko.