3 Johana 1:11 - MUMA MALER 2015

¹¹ Osiepna, kik iluw tim marach, to luw tim maber. Ng’at matimo maber en ng’at Nyasaye, to ng’at matimo marach, to pok oneno Nyasaye.

Motingʼo Loko Manyien

¹¹ Osiepna, kik iluw timbe maricho, to luw tim maber. Ngʼat matimo gima ber en ngʼat Nyasaye, to ngʼat matimo gima rach pok oneno Nyasaye.

3 Johana 1:11 ပူးပေါင်းရင်းမြစ်များ

Zaburi 37:27

We timo richo, mondo ibed ng’ama ber, eka inidag e piny nyaka chieng’,

Jo-Efeso 5:1

Kaka un nyithind Nyasaye mohero, nyaka utem mondo ubed machal kode.

1 Petro 3:11

Nyaka olokre owe timo richo, mi otim gik mabeyo, kendo nyaka odwar kue kinde duto, mi oluw,

Johana 3:20

Ji duto ma timbegi richo ok dwar ler, kendo ok dwar dhi e ler, nikech ok gidwar mondo timbegi maricho ofwenyre.

Zaburi 34:14

Weuru timo richo, to timuru mana gik mabeyo. Dwaruru kue e kinde duto, mi uluw.

1 Petro 3:13

Ka uketo chunyu kuom timo gik mabeyo, to ere ng’ama dihimu?

2 Timotheo 3:10

In to iseluwo puonjna gi timna kod gik ma adwaro timo e ngimana. Iseneno yie mara, gi dhilna, gi herana, gi kindana,

1 Johana 2:29

Ka ung’eyo ni en ng’at makare, to nyaka ung’e bende ni ng’ato ka ng’ato matimo gik makare en nyathi Nyasaye.

1 Jo-Thesalonika 2:14

Owetewa, gik mosetimorenu chal mana gi gik mane otimore ni kanyakla mag jo-Nyasaye moyie kuom Yesu e piny Judea, nimar ne usandoru e lwet jopinyu mana kaka gin bende ne gisandore e lwet jo-Yahudi wetegi.

1 Jo-Thesalonika 1:6

Ne uluwo timwa kod tim Ruoth bende. To kata obedo ni Injili nokelonu chandruok malit kamano, to ne urwake gi mor ma Roho Maler ochiwo.

Johana 12:26

Ka ng’ato tiyona, to nyaka oluwa, kendo kama antie ema jatichna bende nobedie. Ka ng’ato tiyona, to Wuora nomiye duong’.

Johana 10:27

Romba ong’eyo dwonda, kendo an bende ang’eyogi, kendo giluwo bang’a.

Wuok 23:2

Kik itim gimoro marach mana nikech iluoro koma ji ng’enyie, kata kik iketh bura mana nikech idwaro chwako koma ji ng’enyie.

Jo-Hibrania 6:12

Kik utim samuoyo, to beduru joma luwo ranyisi mar jogo mayudo gik ma Nyasaye nosingore ni nomigi nikech giyie kendo gitimo kinda.

1 Jo-Korintho 11:1

Luwuru timna kaka an bende aluwo tim Kristo.

1 Jo-Korintho 4:16

Omiyo akwayou gi ng’wono ni mondo uluw mana timna.

Ngeche 12:11

Ng’at mapuro matek, nyaka yud chiemo mang’eny. To ng’at maketho sechene gi timbe manono en ng’at mofuwo.

Jo-Filipi 3:17

Owetena, temuru uduto mondo uluw timna. Wasebedonu ranyisi makare, omiyo ng’iuru ane jogo ma timgi oluwore gi timwa,

1 Johana 3:10

Pogruok manie kind nyithind Nyasaye gi nyithind Satan ong’ere kama: Ng’at ma ok tim gima kare, kata ma ok ohero wadgi, ok en nyathi Nyasaye.

1 Johana 4:1

Osiepena, kik uyie ni ji duto mawacho ni nigi Roho, nigi Roho adier, to temgiuru mondo une ane ka Roho ma gin-go oa kuom Nyasaye, nikech johul wach mang’eny mag miriambo osebiro e piny