2 Timotheo 4:7 - MUMA MALER 2015

⁷ Asekedo lweny maber, kendo asetieko ng’weya, bende aserito yie marwa.

Motingʼo Loko Manyien

⁷ Asekedo lweny maber, aseringo mi atieko ngʼwech, aserito yie marwa,

2 Timotheo 4:7 ပူးပေါင်းရင်းမြစ်များ

Ngeche 23:23

Adiera gi rieko gi puonjruok kod paro maber ema nyaka iyudi, kata dabed ni ing’iewogi gi nengo matek. Kik iwe ng’ato kawgi kata dabed ni omiyi ang’o.

Kwan 8:25

To kosebedo jahigni piero abich, to nowe tich.

Luka 11:28

To Yesu nodwoko ni, “Joma winjo wach Nyasaye, kendo mako, gin johawi moloyo!”

Luka 8:15

To kodhi mane olwar e lowo maber, gin joma winjo wachno gi chuny makare kendo malong’o, kendo gimake matek, nyaka chop ginyagi.

Johana 17:6

“Asemiyo joma ne igolo e piny ong’eyo kaka ichal. Ne gin jogi, kendo in ema nimiyagi. Giserito wachni,

Johana 4:34

Yesu nowachonigi ni, “Chiemba en timo gima Jal mane oora dwaro, kendo tieko tich mane omiya.

Tich Joote 13:25

To kane Johana koro chiegni tieko tichne, nopenjo ji ni, ‘Un uparo ni an ng’a? An ok an Jal mugeno ni biro biro. To winjuru! Ng’at moro biro bang’a ma ok awinjora gonyo wuochene e tiende.’

Tich Joote 20:24

To an ok akwan ngimana ka gimoro kata matin, to adwaro mana ni mondo achop wuodha, kendo atiek tich mane Ruoth Yesu omiya mondo ati, ma en hulo Wach Maber mar ng’wono mar Nyasaye.

Jo-Galatia 2:2

Ne adhi nikech Nyasaye nonyisa ni mondo adhi, mi achokora gi jodong kanyakla mar jo-Kristo kar kendgi, kendo nanyisogi Wach Maber ma alando ni joma ok jo-Yahudi, nimar ne ok adwar ni mondo tich mane asebedo ka atiyo, kata mapod atiyo, obed kayiem nono.

Jo-Filipi 1:30

Lweny mukedoni en mana lweny achiel mane uneno ka akedo chon, kendo mapod uwinjo ni akedo.

1 Timotheo 1:18

Koro Timotheo nyathina, asemiyi chikno kaluwore gi weche mane johul wach moa kuom Nyasaye okoro kuomi chon. Ked lweny maber, ka wechego jiwi,

1 Timotheo 6:12

Ked lweny maber mar yie kimako ngima mochwere, ma en ngima mane oluongie kane ihulo malong’o ni iyie kuom Kristo e nyim ji mang’eny.

1 Timotheo 6:20

To in Timotheo, rit gima osemiyi mondo irit. Kik ichik iti ni weche manono ma onge tiendgi, kod mbekni ma ji goyo kuom gima giluongo ni rieko, to adier ok en rieko kata matin!

2 Timotheo 1:14

Gima ber mane omiyino rit mang’won, ka Roho Maler konyi.

2 Timotheo 3:10

In to iseluwo puonjna gi timna kod gik ma adwaro timo e ngimana. Iseneno yie mara, gi dhilna, gi herana, gi kindana,

Fweny 3:10

Ne amiyi chik ni mondo itim kinda, kendo iserito chiknano, omiyo an bende abiro riti e ndalo mar masira mabiro kwako piny ngima, mondo otemgo ji duto modak e piny.

Fweny 3:8

“ ‘Ang’eyo timbeni duto. Winji! Aseketo dhoot moyaw e nyimi, maonge ng’ama nyalo loro. Ang’eyo ni kata in gi teko matin kamano, to iserito wachna, kendo pok ikwedo nyinga.

Fweny 6:11

Eka ne omigi law marachar ng’ato ka ng’ato, kendo ne owachnigi ni mondo gimed yueyo mondi matin nyaka chop kar romb jotich wetegi kod owetegi mane ibiro nego kaka gin, rom.

Jong’ad Bura 3:2

Notimo kamano ni mondo tienge jo-Isarel mabiro, kod joma ne pok opuonjore kaka ikedo, ong’e lweny.