2 Timotheo 4:11 - MUMA MALER 2015

¹¹ Luka kende ema wadong’go ka. Ka ibiro, to kaw Mariko ubigo, nikech okonya maber.

Motingʼo Loko Manyien

¹¹ Luka kende ema ni koda ka. Kaw Mariko mondo ibigo ira, nikech okonya maber e kuom lando Injili.

2 Timotheo 4:11 ပူးပေါင်းရင်းမြစ်များ

Hosea 14:4

Ruoth Nyasaye wacho niya, “Abiro duogo joga ira, kendo anahergi gi chunya duto, nikech koro ok akecho kodgi.

Mathayo 19:30

To ji mang’eny ma koro otelo nodog chien, kendo joma koro odong’ chien notel.”

Mathayo 20:16

Eka Yesu notieko, kawacho niya, “Kamano joma koro odong’ chien notel, to joma koro otelo nodong’ chien!”

Luka 13:30

Adier, jomoko ma koro odong’ chien notel, to jomoko ma koro otelo nodog chien!”

Tich Joote 12:12

Kane oneno kamano, ne odhi e od Maria min Johana, ma bende iluongo ni Mariko, kuma ne ji mang’eny ochokoree ka lemo.

Tich Joote 12:25

Barnaba gi Saulo notieko tijgi, mi oa Jerusalem odok Antiokia ka gin gi Johana ma bende ne iluongo ni Mariko.

Tich Joote 15:37

Barnaba ne dwaro kawo Johana, ma bende iluongo ni Mariko mondo gidhigo,

Tich Joote 15:39

Wachno nomiyo gidwokore matek gi Barnaba mi gipogore. Barnaba nokawo Mariko, mi okwang’ odhi Saipras.

Tich Joote 16:10

Kane Paulo oseneno fwenyno, ne waikore piyopiyo mondo wadhi e piny Makedonia nikech ne wang’eyo ni Nyasaye oseluongowa mondo waland Wach Maber ni jopinyno.

Jo-Kolosai 4:10

Aristarko man koda e tuech omosou. Mariko ma owadgi Barnaba bende omosou. (Usewinjo wachne, kapo ni obiro iru, to mondo urwake maber.)

Jo-Kolosai 4:14

Luka ma jathiethwa mwahero, kod Dema, jomosou.

2 Timotheo 1:15

Ing’eyo ni owete duto manie piny Asia, koda ka Fugelo, gi Hermogene, oseringo oweya kenda.

2 Timotheo 2:21

Omiyo ka ng’ato opuodhore oa e yore ma ok ler, to enobed kaka agulu mitiyogo tich mogen, nikech en ng’at mochiwore ni Nyasaye, ma Ruoth nyalo konyorego kuom tiyo tich moro amora maber.

Filemon 1:24

Mariko gi Aristarko gi Dema kod Luka, ma gin jotich wetena, bende jomosi.

1 Petro 5:13

Kanyakla mar jo-Kristo man Babulon, mane Nyasaye oyiero, omosou. Wuoda Marika bende omosou.