2 Timotheo 4:10 - MUMA MALER 2015

¹⁰ nimar Dema oseringo oweya, nikech ohero pinyni, kendo osedhi Thesalonika. Kreske to osedhi e piny Galatia kendo Tito osedhi e piny Dalmatia.

Motingʼo Loko Manyien

¹⁰ nimar Dema oseringo oweya modhi Thesalonika nikech nohero pinyni moloyo. Kreske to osedhi e piny Galatia, kendo Tito bende osedhi e piny Dalmatia.

2 Timotheo 4:10 ပူးပေါင်းရင်းမြစ်များ

Mathayo 12:32

Ng’at mowacho wach moro marach kuom Wuod Dhano, to owene, to ng’at mowuoyo marach kuom Roho Maler ok nowene e pinyni kata e piny mabiro.

Mathayo 26:56

To magi duto otimore mondo wach mane jonabi ondiko ochop kare.” Eka jopuonjrene duto noringo moweye.

Luka 14:33

Kamano bende onge ng’ato kuomu manyalo bedo japuonjrena ka ok oweyo gige duto.

Luka 16:13

“Onge misumba manyalo tiyo ni ruodhi ariyo, nimar dosin gi moro, to ohero machielo, kata domi achiel luor, to ochayo machielo. Omiyo ok unyal tiyo ni Nyasaye, mi kendo uchak uti ni mwandu.”

Luka 17:32

Paruru gima notimore ni chi Lut!

Tich Joote 13:13

Paulo kod joma ne en go ne joa Pafo, mi okwang’ nyaka Perga e piny Pamfulia, to Johana noweyogi kuno, modok Jerusalem.

Tich Joote 15:38

to Paulo ne oparo ni ok ber dhi kode, nikech noyudo oseweyogi Pamfulia, modok kapok gitieko tijgi.

Tich Joote 16:6

Ne giwuotho e piny Frugia gi piny Galatia, ka gilando Wach Maber. Nikech Roho Maler nokwerogi ni kik giland Wach e piny Asia.

Tich Joote 17:1

Paulo gi Sila noluwo yor Amfipoli gi Apolonia mi gitundo Thesalonika, kuma ne nitie od lemo mar jo-Yahudi,

Tich Joote 17:11

Jo-Yahudi mane odak kuno ne nigi chuny mathuolo moloyo mago mane odak Thesalonika. Ne gichiko itgi mi giwinjo wach gi chuny moyangore chuth, kendo ne gisomo Muma pile mondo gine ane ka weche Paulo gin adier.

Tich Joote 17:13

To kane jo-Yahudi man Thesalonika owinjo ni Paulo oselando Wach Nyasaye Beria bende, ne gidhi kuno, mi gikelo koko, kendo giketho chuny ji.

Tich Joote 18:23

to bang’ bedo kuno kuom ndalo moko noa, mi owuotho e gwenge duto man Galatia gi Frugia, kotego chuny jopuonjre duto.

2 Jo-Korintho 2:13

To chunya ne onge gi kue, nikech ne ok anwang’o owadwa Tito. Omiyo nagoyo oriti ni jokuno, mi achweyo Makedonia.

2 Jo-Korintho 7:6

To Nyasaye majiwo joma okuyo, nojiwowa kuom biro mar Tito.

2 Jo-Korintho 8:16

Wagoyo ni Nyasaye erokamano kuom miyo chuny Tito kinda mar konyou kaka wan!

2 Jo-Korintho 8:23

Tito to en jawuodha, kendo jatich wadwa e tich mwatiyonu. To owete mamoko ariyogo to gin joote mag kanyakla mag jo-Kristo, kendo gin joma kelo ni Kristo duong’.

2 Jo-Korintho 8:6

Mano emomiyo ne wakwayo Tito, mane ochako tich ng’wono, mondo olimu kendo, kendo okonyu tieke.

Jo-Filipi 2:21

nikech ji duto dwaro mana mekgi giwegi, to ok dew wach Yesu Kristo.

1 Timotheo 6:10

nimar hero pesa e chakruok mar kit richo duto. Jomoko osegombo mondo oyud pesa mathoth, kendo mano osemiyo gibaro giweyo yie marwa, mi gichwowo mana chunygi giwegi gi chandruok mathoth.

1 Timotheo 6:17

Nyis joma nigi mwandu mag pinyni mondo kik gibed jong’anyi, kendo kik giket chunygi kuom mwandu manono, to gigen mana Nyasaye ma miyowa gik moko mogundho mondo wabedgo mamor.

2 Timotheo 1:15

Ing’eyo ni owete duto manie piny Asia, koda ka Fugelo, gi Hermogene, oseringo oweya kenda.

2 Timotheo 4:16

E kinde mokwongo mane achung’ie e bura mondo awach wachna, onge ng’ato mane ochwaka, to ji duto noringo oweya. To Nyasaye mondo ong’wonnigi.

Tito 1:4

Andikoni in Tito, nyathina maradier kuom yie moriwowa kanyakla, ka akwayo mondo ng’wono gi kue moa kuom Nyasaye Wuoro gi Yesu Kristo obed kodi.

Filemon 1:24

Mariko gi Aristarko gi Dema kod Luka, ma gin jotich wetena, bende jomosi.

2 Petro 2:15

Giseweyo yo ma oriere tir, mi gilal, nimar giseluwo mana yor Balaam wuod Boer, mane oketo chunye kuom yudo pok mar tim maricho.