2 Timotheo 3:2 - MUMA MALER 2015

² Ji nobed joma oherore kendgi giwegi, kendo ma ohero pesa. Ginibed joma wuorore kendo ma jong’ayi, kendo ma yanyo ji. Bende ok giniwinj jonywolgi, bende ok ginibed joma goyo erokamano, kata joma oluoro Nyasaye.

Motingʼo Loko Manyien

² Ji nobed koherore kendgi kendo kohero pesa. Ginibed josunga, jongʼayi, joma yanyo ji, joma ok winj jonywolgi, joma ok go erokamano, kendo joma ok ler,

2 Timotheo 3:2 ပူးပေါင်းရင်းမြစ်များ

Zaburi 10:3

Jaricho pakore kuom gombone maricho. Odagi Ruoth Nyasaye kendo okwedo ka wuoro omake.

Zaburi 49:6

Gin e jogo mogeno kuom mwandugi, kendo ma sungore nikech gimew ahinya.

Zaburi 52:1

In ng’ama ratego, ang’o momiyo isungori nikech richoni? Hera mar Nyasaye osiko pile nyaka chieng’.

Ngeche 6:17

Mokwongo en wang’ maneno gi sunga, mar ariyo en lep mawacho miriambo, mar adek en lwedo machwero remb joma onge ketho,

Isaya 10:15

To Ruoth Nyasaye nowacho niya, “Bende le disungre ni ng’at matong’o kode? Koso musemeno dibed maduong’ moloyo ng’ama ng’eto kode? Mano nyalo timore mana ka luth nyalo yiengo ng’ama oting’e, kata ka arungu bende nyalo ting’o dhano ma sirore kode!”

Daniel 11:36

“Ruodh Siria notim gima en ema ohero, kendo enosungre ni oloyo nyasaye moro amora, bende enopakre ni oduong’ moloyo kata mana Nyasaye maduong’ moloyo nyiseche moko. Enodhi nyime kotimo kamano nyaka chop Nyasaye kume, nikech Nyasaye nyaka tim gima osechano.

Daniel 7:25

Enobed kowuoyo marach kuom Nyasaye Maduong’ Moloyo, kendo enothir jo-Nyasaye. Bende enotem loko chike mag dinigi kod sewni maggi, mi jo-Nyasaye nobed e bwo lochne kuom higni adek gi nus.

Mathayo 15:6

to koro ok onego okony wuon gi gimoro. Mano e kaka umiyo chike Nyasaye bedo kayiem nono, kuluwo chikeu uwegi.

Luka 12:15

Eka nomedo wacho ni ji duto niya, “Beduru motang’, mondo uritru kuom gombo duto nikech mwandu ok nyal miyo ng’ato bed mangima, kata dabed ni omew machal nadi.”

Luka 16:14

Jo-Farisai, ma gin joma ohero pesa ahinya, nowinjo wechego duto, mi onyiere anyiera.

Luka 6:35

To un nyaka uher wasiku, kendo utimnigi maber, bende nyaka uhol giu ka ok ugeno ni didwoknugi. Eka unuyud pod maduong’ kendo unubed nyithind Ngama Duong’ Moloyo. En ong’won ni joma ok gone erokamano, bende ong’won ni joricho.

Tich Joote 5:36

nikech e ndalo moko mokadho, Theuda nobiro kawacho ni en jatelo, mi ji ma dirom mia ang’wen noluwe. To nonege, kendo ji duto mane luwe noke, mi kargi olal nono.

Jo-Rumi 11:18

To kik upakru ni miti uloyo bede mamokogo! To paruru ni un ok uting’o tiend yath, to tiend yath ema oting’ou.

2 Jo-Korintho 5:15

Ne otho ni ji duto mondo ji mangima kik bed mangima kagiparo mana gin giwegi, to gibed mangima mana ka gitiyo ni Jal mane othonigi kendo ochier nikech gin.

Jo-Filipi 2:21

nikech ji duto dwaro mana mekgi giwegi, to ok dew wach Yesu Kristo.

Jo-Kolosai 3:5

Emomiyo neguru dhano machon gi timbene duto mag piny ka, kaka terruok, gi dwanyruok, gi hera marach, gi gombo marach, kod ich lach ma en mana lamo nyiseche manono,

2 Jo-Thesalonika 2:4

Obiro sungore, kokwero gimoro amora miluongo ni nyasaye, kata gimoro amora milamo. Enohedhre kata mana bet e Hekalu mar Nyasaye, kohulo owuon ni en Nyasaye.

1 Timotheo 1:20

Humenayo gi Aleksander gin ji ma kamago. Aseketogi e lwet Satan mondo gipuonjre ni kik giyany Nyasaye.

1 Timotheo 1:9

ka ging’eyo ni Chik ok oketi ni joma beyo, to okete ni joma ketho chik maroyiem, gi joma ok oluoro Nyasaye, kod joma onjawni. Bende okete ni jonek wuonegi kata minegi kata mana jomoko nono.

1 Timotheo 3:3

Kik obed jakong’o, kata ng’at mohero goruok, to nyaka obed ng’at mamuol ma ok ohero dhaw, bende ma ok ohero pesa.

1 Timotheo 6:10

nimar hero pesa e chakruok mar kit richo duto. Jomoko osegombo mondo oyud pesa mathoth, kendo mano osemiyo gibaro giweyo yie marwa, mi gichwowo mana chunygi giwegi gi chandruok mathoth.

1 Timotheo 6:4

to mano nyiso ni en ng’at ma jasunga, kendo ok ong’eyo gimoro. Oowore mana gi mino wach, kod goyo mbaka makelo nyiego, gi dhaw, gi hango wach, gi chich maricho mamiyo ji parruok,

2 Timotheo 3:4

Ginibed andhoke kendo joma mwomore kendo josunga, bende ginibed joma ohero raha moloyo Nyasaye.

Jakobo 2:8

Ka umako chik Ruoth ma ondiki e Muma ni, “Her wadu kaka iherori iwuon,” to utimo gima kare.

Jakobo 4:16

To kar timo kamano, to upakoru kusungoru! Pakruok duto ma kamago gin richo.

Jakobo 4:6

To ng’wono ma Nyasaye ochiwo ni dhano duong’ moloyo nyiego. En mana kaka Muma owacho niya, “Nyasaye miyo joma muol ng’wono, to odagi josunga.”

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”

2 Petro 2:10

to moloyo jogo matimo dwaro mag ringruok kuom gombo mochido, kendo chayo teko mar Nyasaye. Jopuonj mag miriambo nigi chir, kendo wang’gi tek, bende ok giluoro yanyo joma nigi duong e polo.

2 Petro 2:12

To jogo chalo gi le maonge rieko, mane onywol mana ni mondo omaki kendo onegi. Giwuoyo marach kuom gik ma gikia, omiyo gin bende notiekgi mana ka le maonge rieko.

2 Petro 2:18

Giwuorore gi weche manono, kendo kuom gombo mag ringruok gihoyo joma dwaro tony kaa kuom joma timbegi nono.

2 Petro 2:3

Kuom gombo chamo gik malang’, jopuonj mag miriambo nokaw giu gi weche mag wuond. To jang’ad bura oseng’ado buchgi chon! Kum ema oritogi, kendo ng’ama biro tiekogi ok nindi!

Juda 1:16

Jogi gin joma keko akeka, kendo ng’ur ang’ura. Giluwo mana gombo mag ringregi giwegi, bende gisungore marach, kendo giwuondo ji gi weche mamit mondo giyud gik ma gidwaro.

Fweny 13:1

Eka ne aneno Ondiek moro kawuok e nam. Ne en ni tunge apar kod wiye abiriyo. To nosidho osimbo apar e tungego, kendo wich ka wich nondikie nying mayanyo Nyasaye.

Fweny 16:11

to ne giyanyo ayanya Nyasach polo nikech rem kod adhonde ma gi-go, to kendo ne ok gilokore giweyo timbegigo.

Fweny 16:21

Kite mag pe madongongo, ma achiel pekne dirom kilo piero abich, noa e polo mogoyo ji, mi ne giyanyo Nyasaye nikech masich peno, nimar ne en masira marach ahinya!

Fweny 16:9

Omiyo ji nowang’ malit ahinya, to kata kamano ne giyanyo ayanya nying Nyasaye man gi teko mar kelo masichego, kendo ne gitamore loko chunygi mondo gimiye duong’.