2 Timotheo 2:23 - MUMA MALER 2015

²³ Bed mabor gi mbekni mofuwo maonge rieko, king’eyo ni gikelo miero.

Motingʼo Loko Manyien

²³ Pogri chuth gi mbekni mofuwo maonge rieko, kingʼeyo ni gikelo dhawo.

2 Timotheo 2:23 ပူးပေါင်းရင်းမြစ်များ

1 Timotheo 1:4

Bende nyisgi mondo giwe keto chunygi kuom sigendini manono kod sigendini mag anywola, nimar mago gin mana weche makelo mbaka ma ok rum, to ok gimi ji ng’e cheno mar Nyasaye, miyudo kuom yie.

1 Timotheo 4:7

To bed mabor gi sigendini manono mag pinyni maonge tiendgi. Bed kipuonjo timo timbe mowinjore gi luoro Nyasaye.

2 Timotheo 2:14

Nyaka ibed kiparo ni ji wechego, kendo chikgi matek e nyim Nyasaye, ni kik gimin wach, nimar timo kamano ok kony gimoro kata matin to kelo mana kethruok ni joma winjo.

2 Timotheo 2:16

To bed mabor gi weche manono mag oyuma, nikech joma ohero weche ma kamago medo mana bedo mabor gi Nyasaye,

Tito 3:9

To nyaka iwe mbekni mofuwo, gi sigendini mag anywola, kod dhaw gi piem kuom weche mag Chik Musa, nikech weche ma kamago onge ohala, kendo gin weche manono.

Jakobo 4:1

Ang’o makelo lweny kod dhaw duto manie kindu? Donge giwuok kuom gombou makedo e dendu pile mondo utim dwarogi?