2 Timotheo 2:20 - MUMA MALER 2015

²⁰ Ong’ere ni e ot moro amora maduong’ nitie agulini mopogore opogore, ma moko olos gi dhahabu kata fedha, to moko bende olos gi bao kata lowo. Mokwongo itiyogo tije mogen, to mokogo itiyogo tich aticha.

Motingʼo Loko Manyien

²⁰ Ongʼere in e ot moro amora maduongʼ nitie gige tedo molos gi dhahabu kata fedha, to bende nitie moko molosi gi bao kata lowo. Mokwongogo itiyogo tije mogen, to mokogo itiyogo tich aticha.

2 Timotheo 2:20 ပူးပေါင်းရင်းမြစ်များ

Ezra 1:6

Mi jogweng’gi duto nokonyogi gi fedha gi dhahabu gi jamni gi gik mamoko, kod gik ma nengogi tek, kaachiel gi gik mane ng’ato ka ng’ato ochiwo kuom herone.

Ezra 6:5

To bende nyaka dwok gik moko mag dhahabu gi mag fedha mitiyogo e Od Nyasaye, mane Nebukadnezar ogolo e Hekalu man Jerusalem, mokelo Babulon. Nyaka dwokgi duto e Hekalu man Jerusalem, mondo moro ka moro oket kare e Od Nyasaye.”

Wuok 27:3

Bende losne agulni mag golo buru kod mo, kaachiel gi rajow gi tewni gi rachwow kod tep mach. Giduto nyaka ilosgi gi mula.

Ywagruok 4:2

Neye kaka yawuot Sayun ma yande beyo ka dhahabu maler, tinde ipimo mana gi aguch lowo, ma dhano ema ochueyo.

Daniel 5:2

To kane gimetho, Belshazar nogolo chik mondo okel kikombe gi tewni mag dhahabu gi mag fedha mane Nebukadnezar kwar mare ogolo e Hekalu man Jerusalem. Nodwaro ni en gi jodonge kaachiel kod monde gi monde mamoko ometh gi gigo.

Johana 8:49

To Yesu nodwokogi ni, “Aonge gi jachien, to Wuora ema amiyo duong’. Un to uchaya.

Jo-Rumi 9:20

To an adwoke ni, in dhano adhanani, in ng’a, ma dipenj Nyasaye wach?

1 Jo-Korintho 3:9

Waduto wan jotich Nyasaye; un to un puoth Nyasaye, kendo un ot ma Nyasaye gero.

2 Jo-Korintho 4:7

To wan ma wan gi mwandu mar chuny, wachalo mana agulini mag lowo, mondo onenre ni teko maduong’ ahinyano oa kuom Nyasaye, to ok oa kuomwa wawegi.

Jo-Efeso 2:22

Un bende igerou kuome kaachiel kodwa mondo ubed kar dak mar Nyasaye kuom Roho.

1 Timotheo 3:15

to kapo ni adeko, to baruani biro nyisi kaka jood Nyasaye onego owuothi. Jood Nyasaye en kanyakla mar joma oyie kuom Nyasaye Mangima, kendo e siro kod mise ma adiera oyiengoree.

1 Petro 2:5

Biuru ire ka gima un kite mangima, mondo ubed jodolo maler matimo misengni mag chuny ma Nyasaye oyiego kuom Yesu Kristo,