2 Timotheo 2:18 - MUMA MALER 2015

¹⁸ Gisebayo yor adiera, ka giwacho ni ndalo chier osekadho, mi giketho yie mar jomoko.

Motingʼo Loko Manyien

¹⁸ mosebayo yo moweyo adiera. Giseweyo adiera ka gipuonjo ni chier osetimore, kendo giketho yie mar ji moko.

2 Timotheo 2:18 ပူးပေါင်းရင်းမြစ်များ

Mathayo 15:13

Yesu nodwokogi ni, “Gimoro amora mane Wuora mae polo ok opidho, ibiro pudho.

Mathayo 22:29

To Yesu nodwokogi niya, “Uruenyo, nikech ok ung’eyo weche manie Muma kata teko mar Nyasaye bende ok ung’eyo.

Luka 8:13

To kodhi mane olwar kama otimo lwanda ochung’ kar jogo ma winjo wachno, kendo yiego gi mor. To wachno ok mok e chunygi, to gibedo gi yie mana kuom ndalo matin kende, to ka tem obiro, to gipodho.

Tich Joote 5:39

To ka gia kuom Nyasaye, to ok unyal loyogi, kata da utim ang’o, to duyud mana ni ukedo gi Nyasaye!” Jobura noyie gi wachne.

1 Jo-Korintho 11:19

nikech pogruok nyaka bed e kindu, mondo joma ogen ong’ere ratiro!

1 Jo-Korintho 15:12

Koro kaka wapuonjo ni Kristo osechier oa kuom joma otho, ere kaka jomoko kuomu wacho ni joma otho ok nochier?

Jo-Kolosai 3:1

Osechieru kaachiel gi Kristo ua kuom joma otho, omiyo nyaka uket chunyu kuom gik man malo, kuma Kristo obetie e bat korachwich mar Nyasaye.

1 Timotheo 1:19

kendo bed gi yie motegno, kionge gi gimoro ma dimi chunyi thagi. Jomoko osetimo gik ma chunygi nyisogi ni ok kare, omiyo koro giseweyo yie mane gin-go, mi gilal.

1 Timotheo 6:10

nimar hero pesa e chakruok mar kit richo duto. Jomoko osegombo mondo oyud pesa mathoth, kendo mano osemiyo gibaro giweyo yie marwa, mi gichwowo mana chunygi giwegi gi chandruok mathoth.

1 Timotheo 6:21

Jomoko mawacho ni gin kod rieko ma kamano osebayo yo mi oa kuom yie ma wan-go. Ng’wono obed kodu.

2 Timotheo 2:14

Nyaka ibed kiparo ni ji wechego, kendo chikgi matek e nyim Nyasaye, ni kik gimin wach, nimar timo kamano ok kony gimoro kata matin to kelo mana kethruok ni joma winjo.

Tito 1:11

Nyaka kwergi mondo giling’, nikech giketho mier ka gipuonjo weche ma ok owinjore gipuonji, mana ni mondo giyud pesa.

Jo-Hibrania 3:10

Mano emomiyo nakecho kod tieng’no, mi awacho niya, “Ndalo duto gitamore winjo chikena, kendo ok ging’eyo yorena,”

Jakobo 5:19

Owetena, ka ng’ato kuomu obayo yo, mi oweyo adiera, to eka ng’at moro odwoke e yo,

1 Johana 2:19

Ne giweyowa nikech ne ok gin jowa, to ka dine gibed jowa, to dine gisiko kodwa. To ne giweyowa mondo ong’ere malong’o ni giduto ok gin jowa.