2 Timotheo 2:14 - MUMA MALER 2015

¹⁴ Nyaka ibed kiparo ni ji wechego, kendo chikgi matek e nyim Nyasaye, ni kik gimin wach, nimar timo kamano ok kony gimoro kata matin to kelo mana kethruok ni joma winjo.

Motingʼo Loko Manyien

¹⁴ Par nigi wechegi kisiemogi e nyim Nyasaye ni giwe dhawo kuom weche maonge ohala maketho mana chuny joma winjogi.

2 Timotheo 2:14 ပူးပေါင်းရင်းမြစ်များ

Jeremia 16:19

Eka Jeremia nolemo ka wacho kama: “A Ruoth Nyasaye, in ema imiya teko, kendo irita, bende in e kara ma abwokie e kinde mag chandruok. Ogendini moa tung’ piny ka tung’ piny nobi iri, kawacho niya, ‘Kwerewa ne lamo nyiseche manono ma gin mana kido ma onge tich.

Jeremia 2:11

ka oganda moro oseweyo nyisechegi, moluwo nyiseche mamoko, kata obedo ni ok gin nyiseche madieri kamano? To un joga, useweya, an Nyasachu moseting’ou malo, mi ulamo nyiseche ma ok nyal konyou.

Jeremia 2:8

Jodolo noweyo penjo kuma Ruoth Nyasaye nitie. Joma ne ong’eyo weche chik bende ne ok odewa, kendo jotelo nobaro moweya. Jonabi bende ne koro wach e nying Baal, kendo ne lamo nyiseche manono.

Jeremia 23:32

Winjuru gima awacho, an Ruoth Nyasaye! Amon gi jonabi mahulo lek mag miriambo, nimar giwito joga kod sungagi gi lekgigo. Ne ok aorogi, bende ne ok achikogi mondo gidhi gitim kamano, omiyo onge gima gikonyogo jogagi. An Ruoth Nyasaye ema awacho.”

Jeremia 23:36

To kik gichak gimul weche ma wacho ni, ‘Wach Ruoth Nyasaye en ting’ mapek,’ nikech ka ng’ato omulogi, to anami wachna bedne mapek adier! Ji oseketho weche Nyasachgi, ma Nyasaye mangima, kendo ma Ruoth Nyasaye manyalo Gik Moko Duto.

Jeremia 7:8

Onge gima uyudo kuom keto chunyu e wach miriambo muwachono.

Habakuk 2:18

Ere ohala muyudo kuom lamo nyiseche manono ma lwet dhano ema oloso? Gin mana kido mamiyo ji lal. Ere ohala ma ng’at molosogi yudo kuomgi? Chutho oloso mana nyiseche manono ma ok nyal wuoyo!

Mathayo 16:26

Ere ohala ma ng’ato nyalo yudo, konwang’o piny duto, to owito ngimane? Koso ang’o ma ng’ato nyalo chiwo kar ngimane?

Tich Joote 13:10

mowachone niya, “Yaye, in wuod Satan! In jasik gik moko duto mabeyo! Ipong’ gi timbe duto mag miganga, kendo pile itemo loko adiera mag Nyasaye obed mag miriambo!

Tich Joote 15:24

Wasewinjo kaka jomoko moa kuomwa osechandou gi weche mathago chunyu, to wan ne ok waorogi.

Jo-Rumi 14:1

Kata ka ng’ato nigi yie mayomyom, to rwakeuru arwaka ma ok uchande gi weche ma pod en-go kiawa.

Jo-Galatia 1:7

To chutho onge Wach Maber moro machielo, to nitie jomoko machandou katemo loko Wach Maber mar Kristo obed gimoro nono.

Jo-Efeso 4:17

Awachonu ka aramo e nying Ruoth, ni kik uwuoth kaka joma ok ong’eyo Nyasaye, ma parogi ni nono.

1 Jo-Thesalonika 4:1

To koro mogik, owetewa, wan kod gimoro achiel monego wakwau kaka jo-Kristo wetewa. Wakwayou ni mondo ngimau obed moluwore gi puonj mane wamiyou. Ne wanyisou kaka onego uwuothi mondo ubed malong’o ni Nyasaye, kendo adier mano e kaka uwuotho, to kata kamano wajiwou mondo umed timo kamano moloyo.

2 Jo-Thesalonika 3:6

To owetewa, wachikou e nying Ruodhwa Yesu Kristo ni, pogreuru kuom owete mabudho abudha kayiem nono, kendo ok luw chik mane uyudo kuomwa.

1 Timotheo 1:4

Bende nyisgi mondo giwe keto chunygi kuom sigendini manono kod sigendini mag anywola, nimar mago gin mana weche makelo mbaka ma ok rum, to ok gimi ji ng’e cheno mar Nyasaye, miyudo kuom yie.

1 Timotheo 1:6

Ji moko oseweyo luwo mago, mi obayo yo, kendo odonjo e mbekni manono.

1 Timotheo 4:8

Ing’eyo ni ka ng’ato oketo chunye kuom tuke mag rieyo del, to mano konye mana e yore moko kende, to ka ng’ato oketo chunye kuom luoro Nyasaye, to mano konye e yore duto nikech okelone gueth e ngima ma sani, kendo e ngima mabiro bende.

1 Timotheo 5:21

Amiyi chik matek e nyim Nyasaye kendo e nyim Kristo Yesu kod malaika maler ni, nyaka irit chikego. Kiyalo wach moro amora to kik ing’ad bura kapok iwinjo weche duto koni gi koni, kata kik idog ni ng’ato kayiem.

1 Timotheo 6:13

Amiyi chik e nyim Nyasaye mamiyo gik moko duto ngima, kendo e nyim Kristo Yesu ma bende nohulo malong’o yie ma en-go e nyim Pilato.

2 Timotheo 1:6

Mano emomiyo aparoni mondo ichier mich mar chuny mane Nyasaye omiyi kane ayieyo lweta kuomi.

2 Timotheo 2:16

To bed mabor gi weche manono mag oyuma, nikech joma ohero weche ma kamago medo mana bedo mabor gi Nyasaye,

2 Timotheo 2:23

Bed mabor gi mbekni mofuwo maonge rieko, king’eyo ni gikelo miero.

2 Timotheo 4:1

E nyim Nyasaye kendo e nyim Kristo Yesu, mabiro ng’ado bura ni joma ngima gi joma otho, aparo ni Kristo biro duogo mondo olochi. Omiyo amiyi chik ni,

Tito 3:1

Par ni ji mondo ochiw luor ni joma nigi loch kod joma nigi teko, ka giwinjo wachgi kendo giikore tiyo tije mabeyo duto.

Jo-Hibrania 13:9

Puonj moro mayore kendo magalagala kik golu e yo. En gima ber ka chunywa yudo teko kuom ng’wono mar Nyasaye, to ok kuom rito chike mag chiemo michamo, nikech rito chike ma kamago pok okonyoe ng’at moritogi.

2 Petro 1:13

Aneno ni en kare mondo, kapod anie kiru mar ringruokni, to aparnu wechegi,

1 Samuel 12:21

Weuru lamo nyiseche manono, ma ok nyal konyo, kata ma ok nyal reso gimoro, nikech gin mana gik manono.