2 Timotheo 2:13 - MUMA MALER 2015

¹³ Kata ka wan ok wabedo joadiera, en to pod en mana jaadiera, nikech ok onyal loko kite.”

Motingʼo Loko Manyien

¹³ to ka ok wabedo jo-adiera, en pod obedo mana ja-adiera, nikech ok onyal kwedore owuon.

2 Timotheo 2:13 ပူးပေါင်းရင်းမြစ်များ

Isaya 25:1

A Ruoth Nyasaye, in e Nyasacha! Anating’ nyingi malo, kendo anapaki, nikech honni mane ichano chon, isetimo gi adiera.

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Mathayo 24:35

Polo gi piny norum. Wechena to ok norum ngang’.

Jo-Rumi 3:3

To koro, ka jomoko kuomgi ne ok orito wachneno, iparo ni mano dimi adiera mar Nyasaye bed maonge tich koso?

Jo-Rumi 9:6

To kik ugal ni gima Nyasaye nosingore ok osechopo, nikech jo-Israel duto ok gin joma Nyasaye oseyiero.

1 Jo-Korintho 1:9

Nyasaye mane oluongou mondo ubed e achiel gi wuode Yesu Kristo Ruodhwa en jaadiera.

Rapar mar Chik 7:9

Omiyo koro ng’euru ni Ruoth Nyasaye ma Nyasachu en Nyasaye. En Nyasaye ma jaadiera kendo marito singruokne kuom tienge gana gi gana mag ji mohere kendo momako chikene, koherogi gi hera mosiko.

1 Jo-Thesalonika 5:24

Jal maluongou en jaadiera, kendo enotim kamano.

2 Jo-Thesalonika 3:3

To Ruoth en jaadiera, omiyo enojiwu, kendo enoritu kuom Ng’ama Rach.

Tito 1:2

kuom geno yudo ngima mochwere, mane Nyasaye, ma ok riambi osesingore chon ni nomiwa.

Jo-Hibrania 6:18

Kuom mano, Nyasaye nokonyore gi gik moko ariyo ma ok nyal lokore, kendo ma ok onyal wachoe miriambo, tiende ni singruok gi kuong’ruok. To wan, joma osetony, koro wayudo jip motegno ka wamakogo geno manie nyimwa.